1 SAMUELA 6:4 - PATHIAN LEKHABU IRTHIANG C.L. Bible (BSI)

⁴ Mipuihai khan, “Ama kuang kin siat irbôlna inhlan hrangin imo kin itho hrang?,” an tia. Anni khan, “Filistia rêng om dôrin pangpo millim ringa le châichek millim ringa; rângachakin siam unglân; nangni le nin rênghai chunga hri lêng kha hmunkhat a ni.

1 SAMUELA 6:4 ပူးပေါင်းရင်းမြစ်များ

FESUAKNA 12:35

Israelhai khan Mosia iti angin an thoa; Aigupta mihai kha sumru irvôna rângachak irvônahai le puanhai an ngêna.

JOSUA 13:3

Sim tiang Avim-hai omnahai la lâkloi a ni. Aigupta ramri Sihor vadung ata hmâr tiang Ekron dênin Kanaan mihai rama irngai a ni. Filistia-hai chu Gaza haia, Asdod haia, Askelon haia, Gada haia an rêng an iom a ni.

ROIRÊLTUHAI 14:19

Rengpa Irtha chu a chunga irningloi rengin a zuang chum thuta, Askelon khuaa a zu fea, mi sômthum a zu thata, an neinun chu a lâkpai pehaia, a irôro inhriattuhai kha irsakna puanhai chu a pêkhaia. Ningmur takin a pa in tiang a kîr nôk tâk.

ROIRÊLTUHAI 3:3

Kha namhai kha chu: Filistia rêng ringa hai, Kanaan mi murdihai, Zidon mihai, Lebanon tâng, Baal Hermon le Hamath khua lûtnaa om Hiv mihai an nih.

1 SAMUELA 5:12

A thi loihai kha an popa, khanchu kha kho sûnga mihai kha changpuina zongin an pathianhai an zong ta.

1 SAMUELA 5:6

Rengpa kut khan Asdod kho mihai kha a chelhai maia, siatna an tung pehaia. Asdod khua le a kôlvêlhai kha pangpo hripuiin a thohaia.

1 SAMUELA 5:9

Khannisianlân kha khua kha an van tungin chu Rengpa kut khan Gath khua kha an buai nuai nuai tâka, a kho mihai kha a chîn ata a lian dênin kuttum an tuang nôka, pangpo hripui an lêngtir nôka.

1 SAMUELA 6:5

Pangpo millim ringa le nin ram insiattu châichek millim ringa nin isiamhai khan Israelhai Pathian kha chôiindôm roi. Khanchu nangni le nin pathianhai le nin ram kha kuttum nangni a tho ta no khom a ni thei.

1 SAMUELA 6:8

Rengpa Thuthung Bôm kha la unglân, tâlia khan bâng unglân, siat irbôlna nin inhlan rângachak thil hluhai kha bakot sûnga thunin a kôla khan se roi. Tâli kha a fena hrang lampuia irthok sianlân, a bingin infetir roi.