1 SAMUELA 6:3 - PATHIAN LEKHABU IRTHIANG C.L. Bible (BSI)

³ Anni’n, “Israelhai Pathian Thuthung Bôm hi nin thak kîr khoma, a korongin infetir no roi, a kuang siat irbôlna thilinhlan thon sa roi, khan kêng damin nin iom hrang, khanchu itho mo a kuttum nin ituang ti inhre suak nin ti,” an tia.

1 SAMUELA 6:3 ပူးပေါင်းရင်းမြစ်များ

JOBA 10:2

Pathian kuang hiang hin ti ki ti, theiloi nin changtir loiin ni ni demna nin entir sa roh.

FESUAKNA 23:15

Abib tha, ki zoro inkunga, chol koploi bai kût hmang unglân, sûn sari sûng chu hi kûta hin chol koploi bai ite nin ifâk hrang ni mah. Hi zoro hin a ni, Aigupta ram ata nin hong isuak, khasikin chubai ni mûk hrangin kut korongin nin ihong hrang ni mah.

FESUAKNA 34:20

Sakuartung suak maton tak rêk chu a’rthûlin kêlbelrate inhlanin inhlan thei nin ti, nir hlan no’n chu a ring inher khiak pe roh. Nâilutîr murdi chu ni inhlan nôk ving hrang a ni. Tûte thilinhlan loiin ki kuang an hong inlang thei hrang ni mah.

FESUAKNA 8:15

Khannisianlân Faroa’n an boi tah ti thu an hriatin, a milung an ngartira; Rengpa’n a lei ihril tâk angin an thu hril uksak nôk ta maka.

LEVI DÂN 5:6

a thilsual tho hremna hrangin Rengpa kuang belra mani kêl mani, a pui, a hong inhlan hrang a ni. Ochai chu kha mi sual irbôlna kha a inhlan pe hrang a ni.

LEVI DÂN 6:6

Tho’nsual man Rengpa kuang inhlan hrangin ochai kuang belra mani kêl mani, a chal, hmêlveiloi a hong ikai hrang a ni; ama’n chu hmun irthianga hmang lai sum insâpa sût hrang a ni.

DÂN INHNINA 16:16

Nin laia pasal murdi chu Rengpa nin Pathian hmun inthanga kum tin chum thum nin ihong ngai hrang a ni; Ferkân kût hai, pentikos kût hai, kairêng kût hai, Rengpa makunga khan kut rongin an ihong hrang ni ma.

1 SAMUELA 5:11

Khanchu Filistia rêng ringahai kha an koibukhai nôka, “Israelhai Thuthung Bôm hin keini le kin in mihai a ni that irhmang zoi loina hrangin a omna hmun ngêta thonpai nôk ni ri se,” an tia. Pathianin natakin kuttum a tho sikin an kho pumpuiin an buai nôk tâka.

1 SAMUELA 5:7

Khanchu Asdod kho mihaiin khaanga om a nih ti an inhriatin chu, “Israelhai Pathian Thuthung Bôm kha ei kôla om mai ta no ri se, eini chunga le pathian Dagon chunga a kuttum thâk a nahrai ta,” an tia.

1 SAMUELA 5:9

Khannisianlân kha khua kha an van tungin chu Rengpa kut khan Gath khua kha an buai nuai nuai tâka, a kho mihai kha a chîn ata a lian dênin kuttum an tuang nôka, pangpo hripui an lêngtir nôka.

1 SAMUELA 6:8

Rengpa Thuthung Bôm kha la unglân, tâlia khan bâng unglân, siat irbôlna nin inhlan rângachak thil hluhai kha bakot sûnga thunin a kôla khan se roi. Tâli kha a fena hrang lampuia irthok sianlân, a bingin infetir roi.

1 SAMUELA 6:9

Khanchu en chian unglân, Beth-Semes khua tiang a fe’n chu ei chunga thil saloi tak hong tung hi Israelhai Pathian itho ni a ti. Khaang khan a fe no’n chu kuttum ni thotu kha ama ni mah ti inhre suak ei ta, ei chunga a hong iom angin bê ei ti,” an tia.