1 SAMUELA 4:19 - PATHIAN LEKHABU IRTHIANG C.L. Bible (BSI)

¹⁹ Elia moinu Finehasa dôngma khan nâi a vonga, a neina hrang anâi teng tâka, Pathian Thuthung Bôm an lâkpai pe ti thu an hriata, a pu le a pasal an thi thu a hon hriatin chu a lu a kûna, nâiha’n a sea, nâi a nei tâka.

1 SAMUELA 4:19 ပူးပေါင်းရင်းမြစ်များ

1 SAMUELA 4:18

Kha mi khan Pathian Thuthung Bôm thu a hon sîr zela khan, kotbâi kôla a toihmun ata kha Elia chu a thal tiang an rîla, a ring a kiak pea, a thi tâka, a tar ok tâka, a mar sika a ni, Israelhai chunga kum sômminli roi lei rêl tâk a ni.

1 SAMUELA 4:20

A thi vâng tâka, a kôla nupanghai khan a kuang, “Chi no ro, nâipasal ni nei ta hi te,” an tia. Khannisianlân irngai viat maka, a sâm khom sâmhai mah.

IRPHUTNA 3:16

Nupangnu kuang khan, “Ni dengtheina le ni nâi vongna kha a saterengin nang inpungtir pe ki ta; intak takin nâi nei ngai ni ta; khannisianlân ni nuamlam chu ni pasal tiang ni a ta, ama khan ni chunga ircham nei ngai a ti,” a tia.

IRPHUTNA 35:17

A sân a na pe tâka, a kurmanu’n, “Chi no ro, nâi dang ni inei nôk hrang a ni ta,” a tia.

1 RÊNGHAI 14:1

Jeroboama nâipa Abija chu dam loiin a oma,

INPÂKNA HLAHAI 78:64

An Ochaihai kha khandaia intûktirin an oma; An meithâihai kha chap viat viat mahai.

JEREMIA 26:6

Thuzôm loia nin la om maiin chu hi tempil chunga hin, Silo chunga ki itho ang khan ki itho hrang a nia, khanchu rammuala nam tinin hi khopui irhming hi khomâk irsâmna’n hmang an ti,” tiin.