1 SAMUELA 4:17 - PATHIAN LEKHABU IRTHIANG C.L. Bible (BSI)

¹⁷ Thurchi hong intungpu khan a sâma, “Israel mihai chu Filistia mihai ata kha lâizâm an thoa, mipui laia irthatna irkhêl tak a oma, ni nâipasalhai ruai Hofnia le Finehasa hai khom an thia; Pathian Thuthung Bôm khom an lâkpai pehai ta,” a tia.

1 SAMUELA 4:17 ပူးပေါင်းရင်းမြစ်များ

INPÂKNA HLAHAI 78:61

A hrâtna kha suaka an mantira, A roiinpuina chu doitu kuta an mantir saa.

INPÂKNA HLAHAI 78:64

An Ochaihai kha khandaia intûktirin an oma; An meithâihai kha chap viat viat mahai.

1 SAMUELA 2:34

Khante ni nâipasalhai ruai Hofnia le Finehasa chunga thil hong tung hrang kha ni ta hrangin irsinsiana ni a ta, sûn khat sûngin an ruaiin thi an ti.

1 SAMUELA 3:11

Kha hnung chu Rengpa khan Samuela kuang, “Irngai ro, Israel rama hin an hriat murdihai irngai nuam loi tamtakin thil irkhêl tak tho hrang ki ni.

1 SAMUELA 3:12

Kha nikhua khan Elia in sûng mi thurchi ki insîr murdi kha a bula irthokin a mong dênin ki itho hrang a ni.

1 SAMUELA 4:16

Kha mi khan Elia kuang khan, “Irsualbual ata hong zôk ki nia, a vuan hin irsualbual ata hong rot ki ni,” a tia. Elia khan, “Ki nâipa itin mo thil a iom lam?,” a tia.

1 SAMUELA 4:18

Kha mi khan Pathian Thuthung Bôm thu a hon sîr zela khan, kotbâi kôla a toihmun ata kha Elia chu a thal tiang an rîla, a ring a kiak pea, a thi tâka, a tar ok tâka, a mar sika a ni, Israelhai chunga kum sômminli roi lei rêl tâk a ni.