1 SAMUELA 4:12 - PATHIAN LEKHABU IRTHIANG C.L. Bible (BSI)

¹² Sipaihai laia Benjamina irchia mi inkhat irsualbual ata kha an tâna, a puan diar chet duarin le a lu chunga pil kop zuakin, kha nî sûn ngêta khan Silo a hong tunga.

1 SAMUELA 4:12 ပူးပေါင်းရင်းမြစ်များ

2 SAMUELA 1:2

Sûn thum nî khan chu ruatharte inkhat Saula riakbuk ata irthokin a zuang tunga. A beidong inlangtirna hrangin a puanhai an pot thêra, a lua pil ar thua. Ama kha Davida kuang a fea, irnênga inbokin chubai a mûka.

2 SAMUELA 13:19

Tamari khan a lua irvut ar thua, a songkol irfual kha an potthêra, a kut leh a hmâi a hîpa, inring taka chapin a fe tâka.

2 SAMUELA 15:32

Davida kha Pathian biakna tâng sîp a hong tungin chu, a rual satak Ark mi Husaia kha a silkaihai inpotthêr kha innghâkin, a lua vâiphin sip khakin ama don hrangin a lei honga.

NEHEMIA 9:1

Khanchu kha tha sûnga sûn sômhni minli nî chu Israel irchihai chu bu an ngheia, bora puan silin, irnêng tôn duangin an fea.

JOBA 2:12

Hlatak ata Joba chu an hong ena, khannisian infel mahaia. Khan, an va hmu tena chu, an khêka, an chapa; an puanhai an inpot thêra, an lu chunga vâiphin an phula.

JEREMIA 26:6

Thuzôm loia nin la om maiin chu hi tempil chunga hin, Silo chunga ki itho ang khan ki itho hrang a nia, khanchu rammuala nam tinin hi khopui irhming hi khomâk irsâmna’n hmang an ti,” tiin.

EZEKIELA 24:26

Khanchu hi thilhai hi kin tungtir tika chu kha nî khan siatna ata zôk, mi senkhathai hongin nang la hong hril an ti.

EZEKIELA 27:30

A sate’n nang chûlpui an ta, an luhaia vâiphin irthupumin, irvuta la’rbual an ti.

JOSUA 7:6

Josua le Israel upahaiin an puan an inpot thêra, Rengpa Thuthung Bôm mân tiang an inboka, an lua vâiphin an phula, khohloi dênin an oma.