1 SAMUELA 30:6 - PATHIAN LEKHABU IRTHIANG C.L. Bible (BSI)

⁶ Davida milung a zîng pe sabaka, a mihai le an nâihai an inchân zoi tâk sikin, an lungrîl a na hraia, ama kha lung leh dêng that hrangin an insî sikin, khannisianlân Davida kha Pathian Rengpa khan milung ngar ar saka.

1 SAMUELA 30:6 ပူးပေါင်းရင်းမြစ်များ

IRPHUTNA 32:7

Khanchu Jakoba chu a sate’n a lei chia, chardong a le’rlâka: khanchu a kôla mi a iompuihai kha pâl hniin a lei semhaia, a kêl, sakuartung le belrahai khom buk hniin a lei siahai tâka;

2 SAMUELA 17:8

Ni pa le a mihai kha nin hriata, sipai hâitak inthang, milung ngar tak, rama savom a tê lâkpai thei ang dôra hâi a nia. Ni pa kha irdoi mi a nia, mipui laia a riak ti khom inhre mak mea.

2 RÊNGHAI 4:27

Tânga Pathian mi kuang khan a tungin chu a ke a chel pe khaka, Gehazia’n, namirthîn a tuma, khannisian Pathian mi khan, “Ite tho pe no ro, a milung a na pe a ni, Rengpa lakin a ni thupa, ni la hril maka,” a tia.

JOBA 13:15

Ama khan ni thatpai khomsian, Ama chu la sabei ki ta, A makunga ki thiamna thu ki la hril hrang sikin.

INPÂKNA HLAHAI 116:10

“A sate’n dengintheiin ki oma,” ki ti lai khomin ki iam ngita.

INPÂKNA HLAHAI 138:3

Nang kin sam ni kha nangma’n ni ni sâma; Nangma hrâtna’n ni nin hrâta.

INPÂKNA HLAHAI 18:2

Rengpa chu ki lungpui le, ki kulpui le ni saninzôktu a ni; Ki Pathian, ki lungpui dettak a nia, amaa khan iamna irnghat ki ti; ki phô le, ki saninhringna irki le, ki kulpui irsâng a ni.

INPÂKNA HLAHAI 18:6

Ki lunginzîngin Rengpa chu ki koi ngaia, ki Pathian kin sam ngai. Ama’n chu a biak in ata ki’rhâi an hriat ngaia, A makunga ki khêk irhâi chu a mikuara a lût tâka.

INPÂKNA HLAHAI 25:17

Ki milung buainahai hi a na ok tâka; O, ki lunginzîngnahai ata hi ni hruai suak roh.

INPÂKNA HLAHAI 27:14

Rengpa kha nghâk mai roh; Hrât takin omin lân, ni milung kha inhâitir ri se; A ni, Rengpa chu nghâk mai roh.

INPÂKNA HLAHAI 31:24

Rengpa sabei murdihaio, Hrât takin om unglân, nin milung chu inhâitir roi.

INPÂKNA HLAHAI 42:11

O ki hringna, ithoa mo ni ikûn chian? Ithoa mo ki sûnga hin ni ibuai? Pathian sabei roh: ama chu ki la inpâk hrang a ni. Ki hmêl indamtirtu le ki Pathian chu.

INPÂKNA HLAHAI 42:5

O ki hringna, ithoa mo ni ikûn chian? Ithoa mo ki sûnga hin ni ibuai? Pathian sabei roh: a hmêla damna sikin. Ama kha ki la inpâk hrang sikin,

INPÂKNA HLAHAI 42:7

Ni tui luang sup sup irhâi hin tui inthûk chu an irsama: Ni tui irsôn le ni tui irthûl murdihai khan a ni ngîm irhmangtir tâka.

INPÂKNA HLAHAI 56:11

Pathian ki iama, chi no ning; Mihriamin imo an ni iti thei hrang?

INPÂKNA HLAHAI 62:1

Ki hringna hin Pathian vai a nghâka, Ama ata ki saninhringna a hong isuak hrang a ni.

INPÂKNA HLAHAI 62:5

Ki hringna, Pathian vai nghâk ro; Ki sabeina hi ama kuang ata suak a ni.

INPÂKNA HLAHAI 71:4

O ki Pathian, mi pualoihai kut ata ni sansuak ro, Mi felloi le nunse tak kut ata chu.

INPÂKNA HLAHAI 71:5

O Rengpa Pathian, nang chu ki sabeina chu ni ni: Ki nâipangte ata ki iamna chu ni ni.

FESUAKNA 17:4

Khanchu, Mosia’n Rengpa an sama, “Hi mipuihai hi imo ki ilôhai ta hrang? lung leh ni dêng that hranga irsiam an ni tâka?” a tia.

THUVÂRHAI 18:10

Rengpa chu kulpui det tak ang kha a nia, mi felhai an intân lûta an zôk ngai.

ISAIA 25:4

Inriang le changpui innanghai hranga kul ni nia, An char a dongin chu an hor bîk ngaia, Sûn misa luma dâihlîm ni chang pehaia.

JEREMIA 16:19

Rengpa, nang chu ni sûnghualtu le hrâtna ni petu ni nia, buaina ki tong zoro khomin ni ni changpui ngaia. Namhai chu kôlkila irthokin ni kuang an honga, an iti chu, “Kin irchibulhaiin pathian dik ni loihai ti no chu a dang ite nei mahai, hmanghmunboi millim ti no chu ite nei mahai.

JONA 2:2

Hiang hin a ti: “Kin takna sikin Rengpa kha ki koia, Ama’n a ni sâma; Seol phîng sûng ata kin sama, Nangin ki’rhâi nin hriata.

NAMBAR 14:10

Khannisian mipuihaiin lunga dêng an tumhaia, khannisian irningloiin Rengpa roiinpuina chu irtongna Biakbuka khan Israel irchihai makunga a zuang inlanga.

MATHAIA 21:9

Mipui Jisua maton tianga fehai le a hnung tianga zuihai khan, “Davida Nâipa kuang, Hosana! Rengpa irhminga hong chu inpâkin om ri se. An chung taka khin Hosana!” tiin an khêka.

MATHAIA 27:22

Pilata’n an kuang, “Khan Jisua, Mesia an iti hi imo ki ilo hrang tâk?” tiin ar donhaia. Anni khan, “Krosa hembe roh,” an tia.

JOHANA 8:59

Khan ama dêngna hrang lung an lâka, khannisian Jisua kha ar bîka, Tempil ata a suak tâka.

ROM KHUAA MIHAI KUANGA TÎRTÔN PAULA LEKHATHON 4:18

Sabei hrang a om no khomin a sabeiin a iam ngita, khanchu chi tamtak pa a hong ni ta, “Ni’rchihai chu khi irvâna ârsi tam ang dôr khi la ni an ti,” ti irziak ang khan.

ROM KHUAA MIHAI KUANGA TÎRTÔN PAULA LEKHATHON 4:20

iamna irsamin Pathian thu’nkung kha lunghla loia, a iamna kha a hrât tîr tîra, khanchu Pathianin a chôiindôm ual ta a ni.

ROM KHUAA MIHAI KUANGA TÎRTÔN PAULA LEKHATHON 8:31

Kha thua khan imo ei insîr hrang tâk? Pathian chu eini tiang a changin chu tu’n mo ni doi thei hrang?

2 KORINTH 1:6

Kin tuangin chu, changpuina le saninhringna nin hmûna hrang a ni; changpuina kin omin chu, nangni khom changpuiin nin oma, tuangna kin ituang kha tuangtheina neia ituang hrangin hrâtna ipêkin nin iom a ni.

2 KORINTH 4:8

Inbuai maiin kin oma, khannisian, duai ma ung; a kâra chu lunginzîngin kin oma, khannisian, kin beidong viat ngai mah.

2 KORINTH 7:5

Makedonia ki tung hnung khoma khan, irngamna zel nei ma ung. Hmun tina buaina a oma, mi leh irsualin kin oma, kin lungrîla chitna kin nei.

HEBRAI toc2 HEBRAI 13:6

Khasikin hâi takin, “Rengpa ni changpuipu a ni, chi no ning. Mihriamin imo a ni ilo thei hrang?” ti ei ti.

ROIRÊLTUHAI 18:25

Dana irchihaiin, “Thu dang ite hril no ro, hi mihai hin an ning an murin chu, nang doi an ti. Nin insûngkua murdi hringna inchân rôi an ti,” an tia.

ROIRÊLTUHAI 20:22

Israel mihai chu an irthor irhlom nôka, an tho phut nia an irsiamna hmun ngêt khan an irdarh nôka.

1 SAMUELA 1:10

Khanchu Rengpa kuang a chongchaia, beidong takin a chapa, kha laia khan deipu Elia chu Rengpa biak in kotbâi chopui bula a toina hmun khan a toi chiana.

1 SAMUELA 23:16

Saula nâipa Jonathana kha a thoia, ramkâra Davida omna khan a fea, Pathianin nan zôk mai a tih ti lungngam a va saka.

1 SAMUELA 28:15

Samuela khan Saula kuang, “Itho mo hianga ni ni inbuai? Itho mo zuang nôk hrangin ni ni dona?,” a tia. Saula khan, “Ki milung a zîng tak taka. Filistia mihaiin an ni doia, Pathian lakin hnung a ni songsana, deipu’n mani, irmangin mani lua khomin ni sâm maka; khasika khan ki sin hrang nin hril hrangin nang ki ikoi a ni,” a tia.