1 SAMUELA 30:20 - PATHIAN LEKHABU IRTHIANG C.L. Bible (BSI)

²⁰ Davida khan kêlbelra pâlhai le sa pâl murdi khom kha a lâka, a mihaiin a maton tiang an hôla, “Hihai hi Davida râllâkhai an ni,” an tia.

1 SAMUELA 30:20 ပူးပေါင်းရင်းမြစ်များ

2 THURCHI SUINA 14:15

Belrapu omnahai an hâla, belra tamtak an chelhaia, saringseihai an chelhaia, Jerusalema an kîr nôk tâka.

2 THURCHI SUINA 20:25

Jehosafata le a rualhai chu râllâk sum la hrangin an fea. Kha laia khan sehrât tamtak an om saa, fâk hranghai, tukfamhai, le thilhlu tamtak an hmu sa. Râllâk sum lâk hrang tamtak a nia, sûn thum sûng chu an ilâk mai a nia, an ipêl zoi loi rakin an ilâk a ni.

ISAIA 53:12

Mi lianhai laia a dongtum hrang ki hrê pea, mi hrâthai laia râllâk sum sem ta ki ti: Thi hranga ar pêkna sikin, mi sualhai laia tep sa a ni. Ama’n chu mi tamtak siatna irthûlin, mi sualhai hrangin a izong pehai ngai a ni.

ROM KHUAA MIHAI KUANGA TÎRTÔN PAULA LEKHATHON 8:37

Thei no ni! Khahai murdi ata khan a ni lungthungtu sikin roiinpui taka ngamtu ei ni.

1 SAMUELA 30:21

Kha hnung chu Davida kha, an sôl hrai sika a kuanga fe thei ta loia, Besor vadunga lei om tâkhai mi irzahnihai kuang a fea. Anni khan Davida le a kuanga omhai don hrangin an lei honga, Davida’n an kuang a va tungin chu, lôm takin chubai a mûkhaia.

1 SAMUELA 30:26

Davida khan Ziklag khua a tungin chu, râllâk thil senkhat kha Juda hruaitu, a rualhai kuang a thona, “Hi hi, Rengpa râlhai ata râllâk, lômman hrangin nangni ki ithon a ni,” a tia.