1 SAMUELA 29:4 - PATHIAN LEKHABU IRTHIANG C.L. Bible (BSI)

⁴ Khannisianlân, Filistia hruaituhai kha Akisa chunga an ning an mura, a kuang, “Kha mi kha chu khua ni ipêkna khan tîrpai nôk ta ro, irdoina hmuna keini kôla chu hong no ri se. khano’nchu irdoina hmuna khan ei râlhai tiang kop duaina a ti, a pu le irngei nôkna hrangin ei mihriamhai lu lana a ti.

1 SAMUELA 29:4 ပူးပေါင်းရင်းမြစ်များ

1 SAMUELA 14:21

Filistia mihai thopa anni laia an riakbuka lei fe tâk, Hebrai mi senkhathai khom kha Saula le Jonathana kuanga om Israel mihai tiang an hong kop nôka.

1 THURCHI SUINA 12:19

Filistia-haiin Saula doi hranga an irsiam lai khan Davida khom a om saa, Manasea-hai khom senkhatin Davida tiang an kopa; khannisianlân, Filistia hruaituhai chu hmanghai ual ma; a pu Saula tiang kop a tih ti kha a chia, Ziklak khuaa an itîrpai a ni.

LUKA 16:8

A pu khan sum enkoltu sual vâr thiamzia kha an pâk tâka, vâr nâihai nêkin atûnlai mihai hi rammual thila chu an vâr ual a ni,” a tia.

1 SAMUELA 27:6

Khanchu Akisa khan Ziklag khua kha a pêka, khasika khan Ziklag kha atûn ten hin Judai ram rênghai ta a ini mai a ni ta.

1 SAMUELA 29:9

Akisa’n Davida kuang, “A dik, ki mithmua khan Pathian vântirtôn ang dôrin ni isa a ni. Khannisianlân Filistia rêng danghaiin, ‘Irdoina hmuna kin kuang hong sa no ri se,’ an tia.

1 SAMUELA 30:1

Sûn thum ni tena chu Davida le a mihai Ziklag an tungin chu, Amalek-haiin, Judai sim tiang le Ziklag khua kha an lei rûn tâka. Ziklag khua kha an hâla.

FESUAKNA 1:10

Hiang hin lôhai ei ti: chôitum neia sinthoin dengintheitirhai ei ti: anino’nchu hong pung mai an ta, nakana irdoina a hong omin chu, ei ikhôkmâkhai tiang kop an ta, an ni doia, hi ram hi an suaksan ngânin te”, a tia.

1 THURCHI SUINA 12:20

Ziklag khua a hong tungin chu Manasea-hai laia sipai sângkhat hruaitu, Adna, Jozabada, Jediaela, Mikaela, Jozabada, Eliahua, Zilethaia hai ama tiang an rota.