1 SAMUELA 28:1 - PATHIAN LEKHABU IRTHIANG C.L. Bible (BSI)

¹ Zoro sôt ian hnunga chu Filistia mihai khan an sipaihai kha Israel mihai doi hrangin an irbuka. Akisa khan Davida kuang, “Nangma le ni mihai kha keima ni thopin nin idoi hrang a nih ti nin hriat kha te na,” a tia.

1 SAMUELA 28:1 ပူးပေါင်းရင်းမြစ်များ

1 SAMUELA 13:5

Filistia mihai kha Israelhai doi hrangin an irbukkhôm zoi tâka; tâli sîngthum, sakor chung chuang mi sângruk, sipaihai chu tuikhanglian kôla chiai tamtak an nia. Anni chu Bethaven nisua tiang panga Mikmas-a khan an fea, omhmun an khuara.

1 SAMUELA 17:1

Khan Filistia mihai khan irdoi hrangin Judai ram sûng Soko khuaa an sipaihai an bûma; Soko le Azeka kho kâra Efes Damim hmuna khan, omhmun an khuara.

1 SAMUELA 27:12

Khannisianlân, Akisa khan Davida thu’nsîr kha a pompuia, “Ama mi Israelhai khan an ngam sabaka. Khasikin a hring kongkâr chu ki sin a itho mai hrang a ni,” a tia.

1 SAMUELA 31:1

Filistia mihaiin Israelhai chu Gilbo tânga khan an doia, kha tânga khan Israel mi tamtak thatin an oma; rêng Saula le a nâipasalhai le mi danghai kha Filistia mihai ata lâizâm an tho tâka.

1 SAMUELA 7:7

Filistia mihai kha Israelhaiin Mizpa-a khan an irbûm ti an inhriatin chu Israel mihai doi hrangin Filistia rêng ringahai kha an hong irthoka, Israelhaiin an len hriatin chu an lei chia.