1 SAMUELA 27:8 - PATHIAN LEKHABU IRTHIANG C.L. Bible (BSI)

⁸ Kha sûnga khan Davida le a mihai kha an fea, kha rama khan tian rengata lei om tâk Gesur mihai, Girzi mihaiin, Amalek mihai an rûna. An ram kha Aigupta dên rakin Sur khua dênin an irûn a ni.

1 SAMUELA 27:8 ပူးပေါင်းရင်းမြစ်များ

2 SAMUELA 14:23

Kha hnung chu Joaba kha a thoia, Gesur-a khan a fea, Absaloma kha Jerusalema a hruaia.

2 SAMUELA 14:32

Absaloma khan Joaba kuang, “Irngai ro, i lo hranga mo Gesur ata hi ki ihong? Gesur-a khan om mai inlân, ki ta hrangin a isa ual hrang ti hrangin rêng kuanga fe hrangin nang ki tia, ni ihong nuam loi. Khasikin rêng hmêl ki hmu theina hrangin zoro nir fûktir pe hrangin nang ki inuam a ni. Siatna ki neiin chu ni thatpai zel ri se,” a tia.

2 SAMUELA 15:8

Suria rama Gesur-a ki om laia khan, Rengpa’n Jerusalema a ni hruai nôkin chu Hebron khuaa Rengpa chubai mûk ki ti,” tiin Rengpa kuang chong ki lei inkung tâk a ni, a tia.

2 SAMUELA 3:22

Inhnung ual viata chu Joaba le Davida mihai ram riak kha an hong kîra, râllâk sum tam tak an hong chôia. Khannisianlân Abnera kha Hebrona Davida kuang khan lei om ta maka; Davida’n a lei tîr tâk sikin, ama khom irtharngam takin a ife tâk a ni.

2 SAMUELA 3:3

Kileaba, a nu chu Karmel mi Nabala dôngma Abigaili kha a ni. Absaloma, a nu chu Gesur rêng Talmaia nâinu Maaki a ni;

2 SAMUELA 8:12

Khahai kha Suriahai ta, Moabhai ta, Amona irchihai ta, Filistia-hai ta, Amalek-hai ta, Zoba rêng Rehoba nâipa Hadadezera rengata a râllâkhai an ni.

1 THURCHI SUINA 2:23

Gesur hai le Amor haiin kha hmuna ram, khua sômruk kha an lâka, Jair le Kana khua le a kôlvêlhai chu an lâka. Kha khuaa omhai kha chu Gilead-a le Makira irchihai an ni.

FESUAKNA 15:22

Kha hnung chu Mosia khan Israelhai kha tuipui sena irthokin a hruaihaia, Sur ramchâr tiang panin an suak tâka; sûn thum sûng ramchâra khan tui hmu viat loiin an inzina.

FESUAKNA 17:8

Refidim hmuna khan Amalekhaiin Israelhai kha an hong doihaia.

NAMBAR 13:29

Amalek mihai chu sim tiang an oma, Hit mihai, Jebus mihai, Amor mihai chu tâng rama an oma, Kanaan mihai chu tuipanga le Jordan tuipanga an om,” tiin an hrila.

NAMBAR 14:45

Khanchu kha tânga om Amalek mihai le Kanaan mihai chu an zuang chuma, an doihaia, Horma dênin irzûlin an thatpaihai tâka.

JOSUA 12:5

A ramin Hermon tânghai, Seleka hai le Basan ram murdi, Gezer le Maaka ramri ten a huapa; Gilead ram chimrip le Hesbon rêng Sihona ramri dênin a huap sa.

JOSUA 13:13

Aniachu, Gesur mihai le Maakat mihai chu Israelhaiin inhnotsuak mahai, atûn ten hin Israelhai laia an la om sa a ni.

JOSUA 13:2

Filistia le Gesur-hai omna ramhai,

JOSUA 16:10

Gezer khuaa om, Kanaan mihai chu inhnotsuak mahai, atûn ten hin kha Kanaan mihai chu Efraima-hai laia an la oma, sinthoa an siahlo ni hrangin an om tâk a ni.

ROIRÊLTUHAI 1:29

Efraima mihaiin Gezer khuaa Kanaan mi omhai chu inhnotsuak mahai. Kanaan mihai chu an bila Gizer khuaa khan an om sa tâka.

1 SAMUELA 29:6

Kha hnung chu Akisa khan Davida kha a koia, a kuang, “Israelhai Pathian hringna irhmingin ki iti a ni, mi diktak ni nia, sipaihai laia ki kuang ni fea, irdoina ni ni doipuia, ki inuam a ni. Ki kuang ni zuang nî ata, a vuan sûn ten hin ni chunga ite saloina la hmu viat ma ung. Khannisian rêng danghai hin nang an ipom loi a ni.

1 SAMUELA 30:1

Sûn thum ni tena chu Davida le a mihai Ziklag an tungin chu, Amalek-haiin, Judai sim tiang le Ziklag khua kha an lei rûn tâka. Ziklag khua kha an hâla.