1 SAMUELA 27:1 - PATHIAN LEKHABU IRTHIANG C.L. Bible (BSI)

¹ Davida khan a lungrîlin, “Itik nî mani chu Saula kuta hin ki la ithi ngêt hrang chu ni a ti; khasikin Filistia mihai kuanga laizâm tho ti no hi chu a sa dang om no ni. Khanchu Saula khan Israel ram pumpuia a ni zong hi a beidong pe ta a ti. Khanchu a kut ata zôk ki ti,” a tia.

1 SAMUELA 27:1 ပူးပေါင်းရင်းမြစ်များ

1 RÊNGHAI 12:26

Jeroboama’n chu, “Ram hi Davida in sûng mihaiin lua nôk ta ri sehai mani! ti’n an chonga;

1 RÊNGHAI 12:28

Khaanga thil ar ngaitua zoiin chu, rângachakin sehrâtte irlim inhni a siama, a mihai kuang khan, “Nin ta hrangin Jerusalema fe mai mai nangni an tak pe hrang sikin, hi hi nin Pathian, Aigupta ram ata nangni hruai suak kha a ni hi,” a tia.

1 RÊNGHAI 19:3

Khan Elija’n a chia, irbîkna a lei zonga, Judai rama Beerseba a hong tunga, a siahlohai a mâkhaia,

2 THURCHI SUINA 25:17

Juda rêng Amazia le a ulianhaiin Israel doi an tuma, Jehua nâipa Jehoahaza nâi Israel rêng Jehoasa kuang, “Pa le pa, irdoi ei ta,” tia inphût hrangin mi a tîra.

INPÂKNA HLAHAI 116:11

Ki chardongin, “Mi tûte tûng rua om mahai,” ki lei ti rak tâka.

INPÂKNA HLAHAI 55:7

Irngai ta, hlataka lêng ki ta, Ramchâra om ki ti.

FESUAKNA 14:12

Aigupta rama khom khan, Aigupta mihai sinthoin lei ompai hi ri ung, nang kin iti mo ni ma? Ramchâra thi nêkin chu Aigupta mihai sintho khom hi kin ta hrangin chu sa ual a ti,” an tia.

THUVÂRHAI 13:12

Sabeina a dongin chu lungrîl an natira, lunginchong a taka hong tung chu hringna thing a ni.

ISAIA 51:12

Keima hi ki nih irtharngamna intungtu, a thi thei mihriam, pârhai anga mihring nâihai hi, ithoa mo nin la ichihai mai?

NAMBAR 14:3

Itho sika khandai leh thata om hrangin Pathianin hi rama hin a ni ihruai ma ni? Ei dôngma nâi le tehai lak chu chelhai an ta, khasikin Aigupta rama kîr nôk hi ei ta hrangin chu a isa mo ni ma?,” an tia.

MATHAIA 14:31

Jisua’n a hei inbana, an tûk zôi tâka, a kuang, “Ni iamna a tôm bâka! Itho sika mo lung ni irhlatir?” a ti pea.

MARKA 4:40

Ama khan an kuang, “Ithoa mo ang dôra nin ichi? iamna zel nin la inei loi ma ni?” a tia.

2 KORINTH 7:5

Makedonia ki tung hnung khoma khan, irngamna zel nei ma ung. Hmun tina buaina a oma, mi leh irsualin kin oma, kin lungrîla chitna kin nei.

1 SAMUELA 16:1

Rengpa khan Samuela kuang, “Israel mihai rêng hranga ki inuam loi tak hnunga Saula sika hin idôra sôt mo irngaiinsiatin ni iom hrang? Ni sial irki sûnga khan sahriak thun insipin lân, Bethlehem-a mi Jesaia kuang khan fe ro; a nâipasalhai laia mi rêng hrangin ki inthang zoi tâk a ni,” a tia.

1 SAMUELA 16:13

Khanchu Samuela khan sahriak thunna sial irki kha a lâka, a urênghai mithmua khan Davida chu sahriak a’rthutira. Voikhat zelin Rengpa irtha kha Davida chunga a zuang chuma, kha nî rengata kha a ompui mai tâka. Khan Samuela chu Ramah khua tiang a kîr nôk tâka.

1 SAMUELA 20:3

Khannisian Davida khan, “Ni pa khan lung ni ni inkham dân hi an hriat infel vinga, khasikin Jonathana khan hi thu hi chu inhre ual no ri se. khano’nchu, a lungrîl a na pe hrai itinin, a iti khom a ni thei. Khasikin Rengpa irhming chôiin ni kuang chong kin kung a ni, thina le kin kâr chu kalkhat vai a ni,” a tia.

1 SAMUELA 22:5

Kha hnung chu deipu Gada kha Davida kuang a honga a kuang, “Rôla hin om chian mai ta no ro; suakin lân Judai rama fe zel ro,” a tia. Khanchu Davida kha a suaka, Hereth ramkâra khan a fe tâka.

1 SAMUELA 23:17

A kuang, “Chi viat no ro, ka pa Saula kutin nan siat thei viat no ni. Israelhai rêngin nangma om ni ta, keima ni thuai zela om ki ti, ti khom hi ka pa Saula hin a inhriat chian a ni,” a tia.

1 SAMUELA 25:30

Rengpa’n ni chungchâng thu chu, a thil sa inkung murdi ni chunga a tho tika Israelhai rêngin nang a siam tika chu,

1 SAMUELA 26:19

rengpa ka pu, ki thu’nsîr hrang hi irngai ro, ni doi hranga ni lungrîl nan thortirtu kha Rengpa a ni’n chu, a kuanga thilinhlan kha pom sianlân; khannisianlân mihriam nâihai an ni’n chu Rengpa makunga khosâlin om ri se. Ama khan, Rengpa ram ata kha ram dang pathianhai vai chubai ki mûk theina hrangin ram kâra an ni irzûl a nia.

1 SAMUELA 29:2

Filistia-hai rêng ringahai kha an sipai irzakhat vêlin, sâng têlin an irkôi zun zuna, Davida le a mihai chu Akisa leh inhnung an intaa.

1 SAMUELA 29:3

Filistia sipai hruaituhai khan an hmua, “Hi Hebraihai hin imo an itho?,” an tia. Akisa khan, Filistia hruaituhai kuang khan, “Ama hi Davida, Israelhai rêng Saula mi lian a ni, zoro sôttak ki kuang a om tâka. Ki kuang a hor bei ata atûn ten khom hin a sualna ite ki la ihmu loi a ni,” a tia.