1 SAMUELA 25:34 - PATHIAN LEKHABU IRTHIANG C.L. Bible (BSI)

³⁴ Nangma khan ni lei don zel no’n lân chu, Rengpa Israelhai Pathian hring irhmingin ki iti a ni, nangtûk khovâr tena khan chu Nabala kha nâipang inkhat lua khom hôi pe viat no ning,” a tia.

1 SAMUELA 25:34 ပူးပေါင်းရင်းမြစ်များ

1 SAMUELA 25:26

Khasikin atûn hin ka pu, Rengpa hringna le ni hring irhmingin ki iti a ni, Rengpa’n thisen insua loi hrang le ni kuta phuba la loi hrangin nang a siama, atûn hin ni râlhai le ni chunga thil saloi tho tum murdihai chu Nabala angin kuttum tuang ri sehai.

1 SAMUELA 25:18

Abigaili khan irhnot takin bai tiam irzahni le uain kok hni le kêlbelra ringa ir-em inhmin sai le bu inzêi her sôm her sari le, grep inhroi inchâr irzakhat le theipui bai hlûm irzahni a lâka, sakuartung an pêltira.

1 SAMUELA 11:11

Khanchu zîng nôka chu a mihai kha pâl thumin a zêkhaia, thingchangvârro vêla hin an irdoipuihai riakbuka an va lût khumhaia, Amon mihai chu sûn misa lum dên rakin an thathaia; an ithat selhai chu an indarh chita, a bopa om rêng irhmu ta mahaia.

JOSUA 10:9

Gilgal rengata zân sôtin Gibeon dênin an fea, Amor mihai chu irningloiin an zu doi thuta.

JOSUA 10:6

Gibeon mihaiin Gilgal-a Josua kuang mi an tîra, “Ni siahlo hi ni mâksan no ro, hong inrang latin lân, ni changpui ro, ni hong inzôk ro! tâng rama omhai Amor rênghaiin ni doi hrangin an irbukkhôm zita,” an tia.

IRPHUTNA 20:6

Khan Pathianin a’rmang tiang, “A lungrîl porinche loia hi thu hi ni iti a ni, nang kin hriat, keima khomin ki chunga sin saloi tho loi hrangin nang ki ikhap a ni; khasikin, hi nu hi inthem hrang khomin nang phal ma ung.

1 SAMUELA 25:22

Nangtûk zîng khovâr mân, kha pa ta murdi laia pasal nâipang inkhat lua khom ki hôi pea ni’n chu Pathianin Davida hi a nuam nuamin ni lo ri se. Hi nêka na ual khomin ni lo ri se,” a ti tâka.

1 SAMUELA 25:39

Davida khan Nabala a thi ti a hon hriatin chu, “Nabala’n a ni hmusitna sikin Nabala chunga phuba a lâka, a suak hi thil saloi tho loiin a ni khaptu Rengpa chu inpâkin om ri se. Nabala thil saloi tho chu Rengpa’n ama chunga ngêt a insumpai pe a ni,” a tia. Kha hnung chu Davida khan Abigaili kha dôngmaa va biak hrangin mi a tîra.