1 SAMUELA 24:4 - PATHIAN LEKHABU IRTHIANG C.L. Bible (BSI)

⁴ Davida mihai khan, Davida kuang, “Irngai ro, Rengpa’n ni kuang ni râl kha nang pe ki ta, a chunga sa ni iti lam ang takin tho ni ti, a iti sûn kha a ni ta,” an tia. Khanchu Davida kha a thoia, dâihrekin Saula puanhmor kha a va ât tana.

1 SAMUELA 24:4 ပူးပေါင်းရင်းမြစ်များ

2 SAMUELA 4:8

Isbosetha lu kha Hebrona Davida kuang an hong chôia, rêng kuang khan, “En ro, hi nang that tum ni râl Saula nâipa Isbosetha hi; Rengpa khan ki rêngpa phuba kha a vuan hin Saula le ar chi chunga a ilâk pe tâk a ni,” an tia.

JOBA 31:31

Ki sintho ngaihaiin, mikhual ki lei lômlût ngai ti khom an inhriat.

INPÂKNA HLAHAI 142:1

Ki hnukirhai nei dôrin Rengpa chu kin sama; Rengpa kuang lungkham ki ngêna.

INPÂKNA HLAHAI 57:1

O Pathian, lung nin kham ro, lung nin kham ro; Ki hringna hi nangmaa khan a tûk lûta: A ni, ni mitha hnuaia khan lômna zong ki ti, vânduainahai hi ar kiang mâka chu.

FESUAKNA 21:13

A tum sika a ithat a ni no’n chu, hmun nangni ki indang pena khan lût a ta, khatak khan zôk thei a ti.

1 SAMUELA 22:1

Davida kha Gath khua ata a rota, Adulam kho kôla rôla khan a fe tâka. A urêng le a pa insûng mihaiin kha hmuna khan a om ti an len hriatin chu a kuang an zu fea.

1 SAMUELA 23:17

A kuang, “Chi viat no ro, ka pa Saula kutin nan siat thei viat no ni. Israelhai rêngin nangma om ni ta, keima ni thuai zela om ki ti, ti khom hi ka pa Saula hin a inhriat chian a ni,” a tia.

1 SAMUELA 23:7

Keila khuaa Davida a fe ti Saula an hrila; Saula khan, “Pathianin ki kuta a ni ipêk a ni ta, Davida chu kulpui le dâimikot kalna khuaa lûtin ar khum sikin,” a tia.

1 SAMUELA 24:10

En ro, a vuan hin Rengpa’n rôl sûnga kin kuta nang a inhlan lam hi ni mitin ni hmu theia, ki mi senkhathai khan chu, nang that hrangin an ni tîra, khannisian ki Rengpa sahriak irthûtir ni nih sikin nang ki la ihôi a ni.

1 SAMUELA 24:18

A vuan hin ki chunga thil sa ni thozia ni inlangtir a ni; Rengpa’n ni kuta a ni pêk khoma ni ni ithat loina hin.

1 SAMUELA 26:23

Rengpa khan, mi tin an felna le iamomna man chu a ipêk ngai a ni. A vuan hin Rengpa’n nangma hi ki kuta a ni pêka khannisianlân Rengpa sahriak irthutu chunga hin ki kut ki ithâk nuam loi a ni.