1 SAMUELA 24:11 - PATHIAN LEKHABU IRTHIANG C.L. Bible (BSI)

¹¹ Kha vai kha ni loiin, ka pa en ro, hi ni puanhmor ki ichôi chian a ni. Nang ki ithat thei a nia, khannisianlân, hi nêka hin ni puanhmor ki i-ât a ni. Hi hin thil saloi le tho’nchâina om mah ti le ki hringna la hrangin ni zong mai khomin lân, ni chunga ite sual ma ung ti hi inhre suak ngêt ro.

1 SAMUELA 24:11 ပူးပေါင်းရင်းမြစ်များ

2 SAMUELA 1:14

Davida khan a kuang, “Rengpa sahriak irthûtir irhmangtir hrang chunga kut ni thâka, itina chi loi ngân mo ni ini?,” a tia.

2 RÊNGHAI 5:13

A siahlo inkhat a honga, “Ka pu deipu khan thil ichiom tak tho roh nang ti khom sianlân, ni itho loi hrang ma ni? var silin lân, irthiang ni ti, nang a iti a ni’nte, var sil ta ro ba?” a hong tia.

JOBA 10:16

Lei irngaisâng inlân, nangin kâmkeibaknei ilôi angin ni lôi ni ta, ki chunga irkhêl takin ni nin entira.

INPÂKNA HLAHAI 119:161

Mi lianhaiin a bi boiin nuamning an ni loa, Khannisianlân, ki lungrîl khan ni thuhai kha a ni, a ichi chu.

INPÂKNA HLAHAI 140:11

Dikloi taka mi hnôl ngaihai chu irnênga hin hmanchangsua’n om no nia; Mi nunrônghai khom siatna’n inhre a ta, irhmangtir a ti.

INPÂKNA HLAHAI 35:7

A bi om loiin nin ôktirna hrangin an lênhai kha khurpadopa inrûkin an dâpa, A bi om loiin ki hringna tâkna hrangin khurpadop an choia.

INPÂKNA HLAHAI 59:3

O Rengpa, ki porinchena sik ni loiin, Ki sual sika ni ual loiin, Irngai ta, ki hringna hi an inruang maia, Mi hrâthai chu ni bei hrangin an ipung khôm a ni.

INPÂKNA HLAHAI 7:5

Ki râlhaiin ni’rzûlin ni phâkhai sianlân; Ki roiinpuina khom hi pil kâra phûm ri se.

THUVÂRHAI 15:1

Sâmna irnêmin chu ningmurna ar kiangtir ngaia, henhrum rêkin chu ningmurna an pungtir ngai.

CHAP HLA 4:18

Râlhai lakin kin hnung an ni’rzûl maia kholaidunga khom chai ngam ma ung, kin irhmang zoi hrang a ni, kin zoro a hek tâka, kin ithi zoi hrang ni a ti.

EZEKIELA 13:18

Rengpa pathian khan hiang hin a ti: Nupang, mihai bâna thil inbuntir le mi hringnahai chel bêna hranga mi lian mi chîn lu irkhûna insuituhai kha an chung a rik e! Mâni hringna hrangin ki mihai hringna nin ichel hrang mo?

MIKA 7:2

Pathian uksak mi chu irnêng ata ar hmanga, mihriam laia mi diktak zel om mahai: thisen insua hrangin an inchân zita; mi tinin mâni urêng kha lênin an ivôr a ni.

JOHANA 15:25

I khom nisianlân, an Dân lekhabua, ‘Anni’n a bi om loiin an ni hnôl’ ti irziak kha a hong tungna hranga an itho a ni.

1 SAMUELA 12:3

Tho’nchâi ki lei nei duai khomin, hi hmuna hin ki om Rengpa makunga le a inthang rêng makunga hin ni sêl roi, mi sial mani, mi sakuartung mani ki lei lâk ngai khomin, mi huangin mani, dengintheitirin mani ki om ngai mo? Ki mit inchotir hrangin tu kuanga mo fâkinrûk ki itho? mihai kuang ata minlak ki thôna a omin chu a rêngin tuam nôk ving ki ti,” a tia.

1 SAMUELA 18:27

Davida le a mihai kha an fesuaka, Filistia mihai irzahni an va thathaia. Khanchu, Davida khan an servun a hong chôia, khanchu rêng mâkpa a ni theina hrangin rêng kha irkip takin a pêka. Khanchu Saula khan, a nâinu Mikali chu dôngma’n anneitir tâka.

1 SAMUELA 23:14

Davida chu Zif ramchâr kôla tâng rama irbîkin a om chiana. Saula khan a zong maia, khannisianlân a mi Davida chu a kuta pe maka.

1 SAMUELA 23:23

Khasikin ar bîkna ngai hmunhai infel ving unglân, keima kuang hong nôk ngêt unglân, khanchu nin kuang zuang ki ta, kha rama khan a la om ngânin chu Judai ram pumpuia zong hrang a ni khoma zong suak ki ti,” a tia.

1 SAMUELA 25:28

Nang a zuinu tho’nchâina hi irngaihoi takin inza roh. Rengpa khan insûngkua det takin nan dingtir ngêt a ti. Rengpa irdoinahai ni doipui sikin, ni dam sûng kârka chu nangma hin sualna hmu hrang om no ni.

1 SAMUELA 26:18

Davida ngêt khan, “I tho hrangin mo ka pu ni suak hi ni ni’rzûl maia? I zât thil mo ki itho? I zât sual mo ki isin?

1 SAMUELA 26:20

Khasikin ki thisen chu Rengpa hmu phâk loina ram dang irnênga luang no ri se. I lo hrang mo Israel rêng kha keima anga uihrikte that hrangin a ihong? I lo hrang mo varungtehai chel hrang anga tâng sîphai hin a hong irvâk hi?,” a tia.

1 SAMUELA 26:23

Rengpa khan, mi tin an felna le iamomna man chu a ipêk ngai a ni. A vuan hin Rengpa’n nangma hi ki kuta a ni pêka khannisianlân Rengpa sahriak irthutu chunga hin ki kut ki ithâk nuam loi a ni.