1 SAMUELA 23:4 - PATHIAN LEKHABU IRTHIANG C.L. Bible (BSI)

⁴ Khanchu Davida khan Rengpa kha ar don nôka, Rengpa khan, “Thoiin lân, Keila khuaa zu fe ro, Filistia mihai chu ni kut chunga nang pe ki ti,” a tia.

1 SAMUELA 23:4 ပူးပေါင်းရင်းမြစ်များ

2 SAMUELA 2:1

Kha zoiin chu Davida khan Rengpa kuang, “Judai ram khopuihaia khan ki hong ife hrang mo?” tiin Rengpa a chongpuia. Rengpa khan a kuang, “Hong fe ro,” a tia. Davida khan, “Tu khuaa mo ki hong ife hrang?,” a tia. Rengpa khan, “Hebrona” a tia.

2 SAMUELA 5:19

Davida khan, “Filistia mihai doi hrangin ki ife hrang mo?,” tiin Rengpa a chongpuia. Rengpa khan Davida kuang, “Doi ro, Filistia mihai chu ni kuta nang ki ipêk ngêt hrang a ni,” a tia.

2 RÊNGHAI 3:18

Khaanga hai kha chu Rengpa hranga tho intak ni ma, nin kuta Moab hai khom nangni pe a ti.

1 THURCHI SUINA 14:10

Davida’n, “Filistia-hai hi doihai ning mo? Nin hnêtir ni mo?,” tiin Pathian ar dona. Rengpa’n “Doihai ro, nan hnêtir ki ti,” a tia.

JOSUA 8:7

Nin irbukna hmun ata hong suak nin ta, khua chu nin ilâk hrang a ni. Nin Pathian Rengpa’n nangni pêk a ti.

ROIRÊLTUHAI 6:39

Gideona’n Pathian kuang, “Ki chunga ningmur no ro duah, voikhat vai lei hril nôk viat rong, enfiana hi Belra mula hin ni pêk nôk ro: A vuan zân chu belra mul hi hul sianlân, a kôl vêla irnêng hi chu dui ri se,” a tia.

ROIRÊLTUHAI 7:7

Rengpa’n Gideona kuang, “Mi irzathum, an kuta tui thâla indôp hmanghai leh hin nangni sansuak ki ti, Midian mihai chu nin kuta pêk ki ti,” a tia.

ROIRÊLTUHAI 7:9

Zâna Rengpa’n Gideona kuang, “Thoiin lân, an riakbuka, zu fe roh, ni kuta inhnêna ki pêk tâk a ni.

1 SAMUELA 10:22

Khanchu Rengpa kha a’rdon nôka, “Mi dang a la iom mo?” an tia. Khan Rengpa’n a sâma, “Irngai roi, neinunhai kâra son ar bîk,” a tia.

1 SAMUELA 23:2

Khanchu Davida khan Rengpa kuang, “Filistia mihai khu ki zu idoihai hrang mo?,” iti ar dona. Rengpa khan Davida kuang, “A sa, Filistia-hai khu zu doiin lân, Keila khua chu zu’nzôk ro,” a tia.

1 SAMUELA 23:3

Khannisianlân Davida mihaiin Davida kuang, “Irngai ro, Judai rama om khom hin ei ichi a nia, Keila khua zu fea, Filistia mihai zu doi hrang chu ichi teh a om bâka!” an tia.

1 SAMUELA 23:5

Khanchu Davida le a mihai chu Keila khuaa an zu fea, Filistia mihai kha an zu doia, mi tamtak an thathaia, an ramhai an lâk pehaia. Khaang khan Davida’n Keila khuaa mihai kha a inzôk a ni.

1 SAMUELA 28:6

Khanchu Rengpa a chongpuia. Khannisianlân, Rengpa khan irmangin mani, Urim le Thumimin mani, deipu khomin don ual ta mahaia.

1 SAMUELA 30:8

Davida khan Rengpa a chongpuia, “A ni rûntuhai hi ki irzûl hrang mo? Irzûl inlân la phahai ning mo,” tiin ar dona. Ama khan, “Irzûl ro, la phahai ngêt ni ti, an ichelhai khom saninzôkhai ving ni ti,” a tia.