1 SAMUELA 22:8 - PATHIAN LEKHABU IRTHIANG C.L. Bible (BSI)

⁸ Khasika nin ichinrûk mo a ini? Ki nâipa’n Jesaia nâipa kuanga thu a ithung, keima kuanga inlang zel om mak chêia, lunghnâng nir lâkpui zel om mak chêia, ki nâipa’n keima mihriam Davida hi ni doi hrang le a vuan sûnhaia ni that hranga râlruang ni chuan hranga an thortu hi ki kuanga inlang om mak chêi,” a tia.

1 SAMUELA 22:8 ပူးပေါင်းရင်းမြစ်များ

2 RÊNGHAI 6:11

Suria rêng chu irmang a phana, a rualhai a koihaia, “Israel tianga kop ei laia hin tu mo a ini nin hril roi” a tia.

JOBA 33:16

An mikuar an vâr pehaia, an inhriatna kha an dettir pehaia.

1 SAMUELA 18:1

Saula le Davida chongna a hek tâka, kha zoiin chu Saula nâipa Jonathana khan Davida kha a’rngaiinnat ual tâka. Khanchu ama hringna lung a inkham angin Davida kha lung an kham tâka.

1 SAMUELA 18:3

Khaang khan Jonathana’n ama hringna lung a inkham angin Davida kha lung a thung sikin rual irchangna thuthung an neia.

1 SAMUELA 20:2

Jonathana khan, “Nang that no nia, thi viat no chi ni, ka pa khan ite nin hril loiin lian ri se, chîn ri seh khom tho ngai ma. Itho sikin mo hi thu hi keima kuang a iip hrang, ip viat no ni,” a tia.

1 SAMUELA 20:42

Kha hnung chu Jonathana khan Davida kuang, “Irtharngam takin fe’n lân, Rengpa ei ruaia thuthung, nangma le ei kâr le ki’rchihai le nir chihai kâra khom kumtuangin indet mai ri se,” a tia. Khanchu Davida kha a thoia, a fe tâka; Jonathana chu kho sûng tiang a kîr nôk ta.

1 SAMUELA 20:8

Irngaihoi takin lung nin khamin lân, keima kuang ni thuthung siam kha vong mai ro. Khannisianlân, pualoina nei ki nia ni’n chu nangin ni that zel ro. Itho hrangin mo ni pa kuanga ni fepui ngêt a inang?,” a tia.

1 SAMUELA 22:13

Saula khan a kuang, “Itho sika mo nangma le Davida hin nin ni ithup? Itho sika mo bai le khandai ni pêka, ama hrangin Rengpa ni lei ichongpui pe? Atûn hin a ni doiin, râlruang a ni ichuan tâk a ni,” a tia.

1 SAMUELA 23:21

Saula khan, “Rengpa’n sat nangni vur ri se, nangni hin lung nin ni inkham ok a ni.