1 SAMUELA 22:2 - PATHIAN LEKHABU IRTHIANG C.L. Bible (BSI)

² Mi ihnuaisiahai, lâkai intânghai, milunghoi loihai laia khan an irbukkhôma, mi irzaminli vêl an nia, hruaituin a oma.

1 SAMUELA 22:2 ပူးပေါင်းရင်းမြစ်များ

2 SAMUELA 17:8

Ni pa le a mihai kha nin hriata, sipai hâitak inthang, milung ngar tak, rama savom a tê lâkpai thei ang dôra hâi a nia. Ni pa kha irdoi mi a nia, mipui laia a riak ti khom inhre mak mea.

2 SAMUELA 5:2

Zoro lei fe tâka khan Saula chu ei chunga an lal lai khom khan irdoina buala Israelhai hruai ngaitu a ni; Rengpa khan ni kuang, ‘Ki mi Israelhai hruai ni ta, an chunga hruaituin om ni ti,’ a iti a ni,” an tia.

2 RÊNGHAI 20:5

“Kei Rengpa ni pu Davida Pathian hin ni chongchaina kin hriata, ni mitrithi tâk ki hmua, nan damtir ki ta a vuan ata sûn thum zoia chu tempila fe thei ni ti.

2 RÊNGHAI 4:1

Deipu pâlkhat laia mi inkhat dôngma chu deipu Elisa kuang a honga, “Ka pu, ni siahlo ki pasal chu a thia, ni inhriat angin Pathian chi mi a nia; a lâkai len tângnapa’n ki nâipasal hni suaka intânga, ki pasal intângna tuam hrangin ni lâk pe hrangin ar siam,” a tia.

THUVÂRHAI 31:6

Zu chu mi beiindonghai le a’rhmang chianhai hrang a ni.

MATHAIA 11:12

Baptistu Johana’n thurchi an sîr lai ata a vuan sûn ten khom irvân Ramin tuangna irkhêl a tuang ngaia, mi kôkhelhaiin kha ram kha lâk an tum ngai.

MATHAIA 11:28

“Nangni sinsôl le puakrik pêl murdihaio, ki kuang hong unglân, keima’n nangni irngamtir ki ti.

HEBRAI toc2 HEBRAI 2:10

Pathian, thil tinrêng siampu le indotpu ta hrangin chu, ama roiinpuina dong sa hranga nâi tamtak a hong hruaihai theina hrangin. Jisua khah dengintheina tuang sika famirkiptira siam hi a idik a ni. Jisua chu saninhringna tianga mihai hruaipu a ni sikin.

ROIRÊLTUHAI 11:3

Jeftha chu a urênghai khua rengata a suaka, Tob rama a om tâka. Jeftha chu mi dukdak loihaiin an zuia.

ROIRÊLTUHAI 18:25

Dana irchihaiin, “Thu dang ite hril no ro, hi mihai hin an ning an murin chu, nang doi an ti. Nin insûngkua murdi hringna inchân rôi an ti,” an tia.

1 SAMUELA 1:10

Khanchu Rengpa kuang a chongchaia, beidong takin a chapa, kha laia khan deipu Elia chu Rengpa biak in kotbâi chopui bula a toina hmun khan a toi chiana.

1 SAMUELA 22:3

Davida chu khatak ata kha Moab rama Mizpa-a a fea; Moab rêng kuang khan, “Pathianin thil a ni itho pe hrang kin hriat mâka chu ka nu le ka pahai hi ni kuang lei om ri sehai duah,” a tia.

1 SAMUELA 23:13

Khanchu Davida le a mihai irzarukhai kha an thoia, Keila khua ata kha an suaka, fena hrang inchumna tiang an fea, Davida kha Keila khua ata a rot tah ti Saula’n an hriatin chu a thiltum kha a’rlêktira.

1 SAMUELA 25:13

Davida khan a mihai kuang khan, “Nin khandai vong chit roi,” a tia. Davida khomin a vonga, mi irzaminli vêlin an zuia, mi irzahni chu neinun nghâkin an oma.

1 SAMUELA 30:6

Davida milung a zîng pe sabaka, a mihai le an nâihai an inchân zoi tâk sikin, an lungrîl a na hraia, ama kha lung leh dêng that hrangin an insî sikin, khannisianlân Davida kha Pathian Rengpa khan milung ngar ar saka.

1 SAMUELA 9:16

“Nangtûk hi zoro lai taka hin Benjamina nam ata mi inkhat ni kuang hong tîr hrang ki ni, ki mi Israelhai chunga hruaitu ni hrangin sahriak lei pol ro. Ama khan Filistia mihai kut ata ki mihai inzôk a ti. Ki mihai tuangna kha ki hmu tâka, an khêk irhâi ki kuang a hong itung tâk a ni,” a tia.