1 SAMUELA 20:32 - PATHIAN LEKHABU IRTHIANG C.L. Bible (BSI)

³² Jonathana’n a pa Saula kha hiang hin a tia, “Itho sikin mo an ithat hrang? I sin mo a insiat?,” a tia.

1 SAMUELA 20:32 ပူးပေါင်းရင်းမြစ်များ

IRPHUTNA 31:36

Khan, Jakoba ning an mur pea, Labana kha a hâla; Jakoba’n Labana kuang khan, “Imo ki insiatna, imo ki sualna, hi dôr ni ni hong irzûl?

THUVÂRHAI 22:24

Ningmur ol mi chu rualin siam no’n lân, mi nunsia chu irpôlpui no ro.

THUHRILTU 7:9

Ni ningmur chu indâipai ro, ningmurna hi invêthai rôpsuama kêng a om ngai.

THUHRILTU 9:3

Hi hi a ni, misa hnuaia sintho murdi laia sin saloi chu, mi murdi chunga mongna hmunkhata tung hi, mihriam nâihai lungrîl chu sin saloia sip a nia, an hring sûngin an milunga invêtna a oma, kha hnunga mithi kuang an fe tâka.

JEREMIA 17:9

Mihriam lungrîl hi thil dang nêka porinche tak a nia, siam insa tak tak a ni, Tu mo an hriat thei hrang?

MATHAIA 27:23

Khannisianlân, Pilata’n an kuang, “Imo a itho insual,” tiin ar donhaia. Khanchu, anni khan, “Krosa hembe roh,” tiin an hrât do dôrin an khêka.

LUKA 23:22

Khan, Pilata’n a voi thumnaa, an kuang, “Itho mo? Imo a tho’nsual? Thina hrang rak ten ite a itho’nsual hmu ma ung; vîk ki ta insua ki ti,” a tia.

JOHANA 7:51

“Ei dânin chu mi tukhom a chongbâi suak ei inhriat mân le a sintho ei hmu suak mân chu thiamno inchangtir thei mak me,” a tia.

1 SAMUELA 18:11

Saula khan a lungrîlin, “So banga son Davida len kho irmantir rak rong,” a tia. Khanchu Davida kha voihni zel a len khoa, khannisian an kho rikipa khan Davida kha a le’rthîn pe hena.

1 SAMUELA 19:4

Jonathana khan a pa Saula makunga Davida chu an pâka, a kuang, “Reng khan a suak Davida chunga hin thil sual tho viat no ri se. Ni chunga ite tho’nsualna nei maka, kha nêkin a sinthohai kha ni ta hrangin a sa inzen a ni ual.

1 SAMUELA 19:5

Thi khom chi loiin Goliatha kha a doia, khan Rengpa’n Israelhai murdi saninzôkna roiinpui tak a itho suak a ni. Nang khomin ni hmua, ni lôm oka, itho hranga mo nin nunsiat ama chunga ni inthâk? A bi ite om loiin, Davida nin ithat hrang,” a tia.

1 SAMUELA 20:1

Kha hnung chu Davida kha Ramah khuaa Naioth rengata kha a rota, Jonathana kuang a fea, “I ngân mo ki itho? Imo ki itho inchâi? Ni pa chunga hin imo ki tho’nsualna, hianga ni that a itum hi?,” a tia.

1 SAMUELA 20:7

Khan, ‘A sa a ti’n chu,’ ki izôk ni a ta, khannisian a ning an murin chu thil saloi tho a itum a nih ti zel ro.

1 SAMUELA 22:14

Ahimeleka hin rêng kha a sâma, “Davida chu mi lian murdihai laia mi iamom tak a ni. Ama kha ni mâkpa a nia, nang a hrungtuhai laia a lian tak, ni rêng ina khom mi mahripom tak a ni.