1 SAMUELA 20:13 - PATHIAN LEKHABU IRTHIANG C.L. Bible (BSI)

¹³ Khanchu ka pa khan ni chunga thil saloi tho a tuma nang ki hong hril noa, ni zôkna hrang lampui nang ki zong pe no’n chu Rengpa’n a ni lo lam takin ni lo ri se. Kha nêka natinsat ual khomin. Rengpa chu ni kuang om ri se. Ka pa kuanga a iom ngai ang khan!

1 SAMUELA 20:13 ပူးပေါင်းရင်းမြစ်များ

2 SAMUELA 19:13

Amasa kuang, “Ki thisen irzompui mo ni mak che? Atûna irthokin Joaba irthûla ki sipai hruaituin nang ki siam no’n chu, Pathianin a nuam nuamin ni lo ri se, kha nêka na ual khomin, a ti va ti roi,” a tia.

2 SAMUELA 3:35

Sûn sôtin mi murdihai khan Davida kha fâk inzongtir hrangin an inthêma; khannisianlân Davida khan, “Misa a tâk mâka chu bu mani, thil dang mani ite ki irtem a omin chu, Pathianin a ilo loin ni lo ri se, hi nêka irkhêl ual khomin,” tiin chong an kunga.

2 SAMUELA 7:15

Nikhomsianlân, rêng ni chang theina hrangin Saula ki ikhâi irhmang kuang ata lungkhamna ki ilâkpai pe ang khan ama chu masan ual no ning.

1 RÊNGHAI 1:37

Rengpa chu, ka pu inlaltak kuang a iom ngai angin Solomona kuang khom om sianlân; ka pu rêng Davida rêngtoihmun nêkin a rêngtoihmun chu indet ual sianlân,” a tia.

1 RÊNGHAI 19:2

Jezebeli’n Elija kuang khan, “Deipuhai chunga ni itho angin nangtûk, hiang zoro hin nang ki that no’n chu pathianhaiin an inuam angin ni lo ri sehai, a sate’n deng nin theitir ri sehai,” a tih tia hril hrangin mi a tîrhaia.

1 RÊNGHAI 20:10

Khan Benhadada’n hiang hin a hong hril nôka, “Samari khua irhmangtir chit hrangin ki mi tamtak zuang tîr ki ta, ite inzôk no ni ung. Khaang khan ki tho no tâkin chu, Pathianhaiin an inuam angin ni soisak ri sehai” a tia.

1 THURCHI SUINA 22:11

“Khasikin, ki nâipa, Rengpa chu ni kuang om sianlân, sat nang vur ri se, a iti ang ngêtin Rengpa ni Pathian in hrang chu sin ri se.

1 THURCHI SUINA 22:16

rângachak hai, sumru hai, thîr le dâr sin thei tak takhai khom an itam a ni. Phut pehai ta ro, Rengpa’n Sat nang vur ri se,” a tia.

MATHAIA 28:20

Thu nangni ki ipêk murdi hi zôm hrangin irchutirhai roi. Khanchu, keima kumkhua’n, rammual mong dênin, nin kuang om mai ki ti,” a tia.

FILIPI 4:9

Ki kuang nin thil irchu le donghai, nin thil inhriat le hmuhai kha tho ngai roi. Khanchu irtharngamna Pathian khan nangni ompui a ti.

JOSUA 1:5

Josua, ni dam sûngin tukhomin nang inhnê no nihai. Mosia kuanga ki iompui angin nang ompui mai ki ti, nang intha viat no ning.

RUTHI 1:17

Ni thinaa thi ki ta, kha khan phûmin om ki ti. Nang le kei hi thina ni loia thil dangin ni sen hrang nêkin chu Rengpa’n i ang khomin a nuam nuamin ni lo ri se,” a tia.

1 SAMUELA 10:7

Hi thilhai hi a hong tung tena chu Pathianin nang a ihruai lam takin tho ro.

1 SAMUELA 14:47

Saula kha Israelhai chunga rêng a chang hnunga hin, hmun tina a râlhai, Moab-hai, Amon-hai, Edom mihai, Zoba rênghai, Filistia mihai kha a doia. A ithôna tiang ang khan an hnêhai thiaia.

1 SAMUELA 17:37

Kâmkeibaknei le savomhai kut pâr ata ni sansuaktu Rengpa khan, kha Filistia mi kut ata kha ni sansuak ngêt a ti,” a tia. Khanchu Saula khan Davida kuang khan, “A sa fe ngânin lân, Rengpa khan nang ompui ri se,” a tia.

1 SAMUELA 18:12

Davida kuang khan Rengpa a om pe sikin le Saula a mâk tâk sikin Saula khan Davida kha a chia.

1 SAMUELA 19:3

Khan fe ki ta, ni irbîkna rama ka pa makunga va ngîr ki ta, ni chungchâng thua ka pa chongpui ki ta; i mani ki inhriat a omin chu nan hril ki ti,” a tia.

1 SAMUELA 20:12

Jonathana khan Davida kuang, “Rengpa Israelhai Pathian chu nin hriatpuitu ni ri se. Nangtûk le nangtûk pên hiang zoroa hin ka pa hong chongpui ki ta, ni chungchâng thua, a sa lampanga ni’n chu ni kuang mi tîrin nang hong hril ki ti.

1 SAMUELA 20:14

Ki hring sûng chu, ni thuthung irthiang vong ngitin lân, ki chunga iamomin om ro; khannisian ki thi duai tâka a ni khomin,

1 SAMUELA 25:22

Nangtûk zîng khovâr mân, kha pa ta murdi laia pasal nâipang inkhat lua khom ki hôi pea ni’n chu Pathianin Davida hi a nuam nuamin ni lo ri se. Hi nêka na ual khomin ni lo ri se,” a ti tâka.

1 SAMUELA 3:17

Elia khan, “I thil mo Rengpa’n ni kuanga a insîr? keima kuang ite ip nei no ro duah. Ni kuanga a insîr murdi kha keima kuang ip ni neiin chu, Pathianin irkhêl takin kuttum nan tuangtir ri se,” a tia.