1 SAMUELA 20:12 - PATHIAN LEKHABU IRTHIANG C.L. Bible (BSI)

¹² Jonathana khan Davida kuang, “Rengpa Israelhai Pathian chu nin hriatpuitu ni ri se. Nangtûk le nangtûk pên hiang zoroa hin ka pa hong chongpui ki ta, ni chungchâng thua, a sa lampanga ni’n chu ni kuang mi tîrin nang hong hril ki ti.

1 SAMUELA 20:12 ပူးပေါင်းရင်းမြစ်များ

2 SAMUELA 21:7

Khannisianlân rêng khan, Jonathana le an ruaia kâra thuthung an lei nei tâk sikin Saula tupa Mefiboseta chu an hôia.

JOBA 31:4

Ki lampuihai a hmu infela, ki kalphêt tin hi an inhriat zit mo ni ma?

INPÂKNA HLAHAI 17:3

Ki lungrîl hi ni fiaa, zâna ni ni hroa; Ni ni fia tâka, ite hmu mak chea; Ki bâiin insîrin sual no nih ki ti ngit a ni.

THUVÂRHAI 20:5

Mihriam lungrîl ngaituana chu tuikhanglian inthûk taka tui ang kha a nia, khannisianlân inhriat thiamna nei murdi’n thangsua a ti.

JOSUA 22:22

“Rengpa chu pathianhai Pathian a ni. pathianhai Pathian Rengpa’n kin itho lam a inhril hi te; nangni khomin inhriat sa unglân kin nuam. Rengpa chunga nuar kin nia, a chunga iamomloi kin nia chu, hring damin nin omtir ta no roi.

1 SAMUELA 20:11

Jonathana khan Davida kuang, “Thoiin lân, rama va fe ro,” a tia. Khanchu rama khan hmunkhatin an fea.

1 SAMUELA 20:13

Khanchu ka pa khan ni chunga thil saloi tho a tuma nang ki hong hril noa, ni zôkna hrang lampui nang ki zong pe no’n chu Rengpa’n a ni lo lam takin ni lo ri se. Kha nêka natinsat ual khomin. Rengpa chu ni kuang om ri se. Ka pa kuanga a iom ngai ang khan!

1 SAMUELA 23:18

Khanchu an ruaiin Rengpa makunga thu an thung tâka. Davida chu ramkâra a om maia, Jonathana kha a in tiang a kîr nôk tâka.