1 SAMUELA 20:1 - PATHIAN LEKHABU IRTHIANG C.L. Bible (BSI)

¹ Kha hnung chu Davida kha Ramah khuaa Naioth rengata kha a rota, Jonathana kuang a fea, “I ngân mo ki itho? Imo ki itho inchâi? Ni pa chunga hin imo ki tho’nsualna, hianga ni that a itum hi?,” a tia.

1 SAMUELA 20:1 ပူးပေါင်းရင်းမြစ်များ

INPÂKNA HLAHAI 54:3

Mikhualhaiin an ni bei tâka, Mi nunrônghaiin ki hringna hi inboi tumin an zong saa: Pathian chu an matona se mahai.

2 KORINTH 1:12

Hi rammuala kin hringnuna le a bîkin nangni leh kin irzomna khan lungkhamna sinthotheina sikin Pathian ipêk irthiangna le dikna an ni vong ti kin sia le sa inhriatna’n a ni hril sikin kin irsong a ni.

2 PETERA toc2 2 PETERA 2:9

Rengpa khan ama chituhai chu tuangna ata sansuak lam le roirêl Ni a zuang tung mâna khom mi sual hrem lam an hriat;

1 JOHANA 3:21

Inditom takhaio, ei lungrîlin thiamno a nin changtir no’n chu Pathian ei hnôl ngam ngai.

1 SAMUELA 12:3

Tho’nchâi ki lei nei duai khomin, hi hmuna hin ki om Rengpa makunga le a inthang rêng makunga hin ni sêl roi, mi sial mani, mi sakuartung mani ki lei lâk ngai khomin, mi huangin mani, dengintheitirin mani ki om ngai mo? Ki mit inchotir hrangin tu kuanga mo fâkinrûk ki itho? mihai kuang ata minlak ki thôna a omin chu a rêngin tuam nôk ving ki ti,” a tia.

1 SAMUELA 19:1

Saula khan a nâipa Jonathana le a mi lianhai murdi’n Davida that hrangin hê a bêa, khannisian Jonathana khan Davida kha arngaiinnat tak taka.

1 SAMUELA 19:18

Khan Davida kha a rota a zôk tâka. Ramah khuaa Samuela kuang a fea, a chunga Saula thil tho murdi a hrila. Kha hnung chu ama le Samuela kha an fea. Naioth khan an om tâka.

1 SAMUELA 20:2

Jonathana khan, “Nang that no nia, thi viat no chi ni, ka pa khan ite nin hril loiin lian ri se, chîn ri seh khom tho ngai ma. Itho sikin mo hi thu hi keima kuang a iip hrang, ip viat no ni,” a tia.

1 SAMUELA 20:32

Jonathana’n a pa Saula kha hiang hin a tia, “Itho sikin mo an ithat hrang? I sin mo a insiat?,” a tia.

1 SAMUELA 24:11

Kha vai kha ni loiin, ka pa en ro, hi ni puanhmor ki ichôi chian a ni. Nang ki ithat thei a nia, khannisianlân, hi nêka hin ni puanhmor ki i-ât a ni. Hi hin thil saloi le tho’nchâina om mah ti le ki hringna la hrangin ni zong mai khomin lân, ni chunga ite sual ma ung ti hi inhre suak ngêt ro.

1 SAMUELA 24:12

Rengpa’n nangma le ei chungchâng chu rêl ri se, Rengpa khan ki chunga ni thil tho hin kuttum nan tuangtir ri se. Khannisian keima’n chu ni chunga kut zel tha viat no ning.

1 SAMUELA 24:17

Kha hnung chu Davida kuang khan, “Nangma ni dika, keima ki idik loi a ni, nangin chu ki chunga thil sa ni thoa, keima’n chu thil saloi ni chunga ki itho a ni.

1 SAMUELA 24:9

Davida khan Saula kuang, “Irngai ro, Davida’n ni siatna hrang a izong a nih itia mihaiin ni kuanga an insîr kha itho mo tak ni isôn ngai?

1 SAMUELA 26:18

Davida ngêt khan, “I tho hrangin mo ka pu ni suak hi ni ni’rzûl maia? I zât thil mo ki itho? I zât sual mo ki isin?