1 SAMUELA 2:8 - PATHIAN LEKHABU IRTHIANG C.L. Bible (BSI)

⁸ Vâiphin ata inriang kha a kaithoi thei ngai. Inriangtengtêr kha vâiphin ata an domirsângtir theia, Mi lianhai kuang an omtir thei. Roiinpuina rêngtoihmun an lua theina hrangin. Irnêng irnghatnahai hi Rengpa ta a nia, a chunga khan rammual hi a irnghat tâk a ni.

1 SAMUELA 2:8 ပူးပေါင်းရင်းမြစ်များ

IRPHUTNA 41:14

Khanchu Faroa khan Josefa kha a van koitirhaia, irhnot takin irkhumna in ata an hong hruaia, tui mei tôn zoiin, a tukrivohai thûlin, Faroa makunga a hong lûta.

IRPHUTNA 41:40

nangma ngêt kêng ki in sûngkuahai chunga hruaitu ni ni ta, ki khua le tui ni ienkol hrang; rêngtoihmuna vai hin kêng keima inlal ki ti,” a tia.

2 SAMUELA 7:8

“Khasikin ki suak Davida kuang, itinrêng sinthei Rengpa khan hiang hin a ti, kêlbelra lêngna khan belra enkolin ni oma, ki mi Israelhai chunga hruaitu hrangin nang kin thang suaka.

1 RÊNGHAI 16:2

“Ite bêa ibe ngai loi chu, Israelhai roirêltu hrangin nang kin thang. Atûn hin Jeroboama angin thil saloi tho’n ki mi Israelhai hruai suala, an sualna’n ki ning an inmurtir ta a ni.

2 RÊNGHAI 9:6

A thoia, in sûnga a lûta, a lua sahriak a buaka, “Israelhai chunga rêng hrangin sahriak nang ki buak ta a ti a ni,” a tia.

JOBA 1:21

“Ka nu sûng ata korongin ki zuang suaka, a korong ngêtin ki ikîr nôk hrang a ni hi te, Rengpa khan a pêka, Rengpa hin a ilâk nôk a ni hi te, Rengpa irhming chu inpâkin om ri se,” a tia.

JOBA 2:8

Joba kha a suaka, ar hriatna hrangin bêlkoi hârte a lâka, pil chunga a toia.

INPÂKNA HLAHAI 102:25

Irnêng irnghatsan chu tianlaia ni phûm tâk a ni; Irvânhai khom ni kut suak a ni.

INPÂKNA HLAHAI 104:5

Irnêng irnghatnahai chu ni phûma, Kumkhua’n an hnîng loina hrangin.

INPÂKNA HLAHAI 107:41

Khannisianlân, inrianghai chu intakna ata hmun irsânga a bâng ngaia, Belra pâl angin insûng mihai a siam pe ngai.

INPÂKNA HLAHAI 24:2

Tuikhanglian chunghai ama inding a nia. Tuipui chunghai khom an dettir saa.

INPÂKNA HLAHAI 75:3

Irnêng le a chunga om murdihai chu an zôi zoi ta: Keima’n a chopuihai kha ki iphun a ni.

INPÂKNA HLAHAI 75:4

Mi irsorhai kuang khan, “Irsor takin om no roi,” ki ti saa. Mi siahai kuang, “Irpâk no roi,” ki ti saa.

INPÂKNA HLAHAI 75:7

Pathian chu roirêltu a ni ual: Ama chu inkhat an lômtira, inkhat a’rsângtir ngai.

ISAIA 22:23

Irnêng châra chopui angin det takin phun ki ta, a in mihai hrangin songinruk tak ni a ti.

DANIELA 2:48

Khanchu rêng khan Daniela kha a donsuia; thilpêk roiinpui tamtak a pêka, Babulon ram bial pumpuia roirêl hrang le Babulon mi vârhai murdi chunga a hruaitutak ni hrangin a sia tâka.

DANIELA 4:17

Hi thu hlu hi a entuhai thu a nia, thil inphût hi mi irthianghai thua tho a nia, anchungtakpu’n mihriamhai inlalna rama hin thu a neia, a inuam takhai a pêka, mi irhnuai takhai khom an luatirhai ngai a nih ti mihriamin an inhriatna hrangin,” tia khêkin.

DANIELA 6:3

Daniela hi lungrîl diktak irput a ni sikin hruaitu le thuneituhai nêkin an lâr uala; rêng khomin ram pumpuia hruaitu ni hrangin an sâpa.

HEBRAI toc2 HEBRAI 1:3

Ama chu a Pathian roiinpuina vâr le, a tak angpui ngei le, ama sinthotheina thua itinrêng indingtu neiin, sualhai a’rthiangtir hnungin chung tianga Roiinpuitak chang tianga khin a hong toi ta.

JAKOBA toc2 JAKOBA 2:5

Ki urêng inditom takhaio, irngai u ta, rammual irngaia mi inrianghai hi iamnaa irchong hrang le ama lungthungtuhai kuang a ram inkung chang hrangin Pathianin a inthang loi ma ni?

THUPHUANG 1:6

khua le tui le a Pathian le a Pa sintho hranga ochaihaia ni siamtu kuang, a ni, ama kuang ngei roiinpuina le irchamneina kumtuangin om mai ri se! Amen.

THUPHUANG 22:5

Zân om ta no nia, meiser le misa khom nang ta no ni; Rengpa Pathian khan êl invâr ta a ta, kumtuang kumtuangin rênghai angin roirêl ta an ti.

THUPHUANG 3:21

An hnêtu ka chu rêngtoihmun kôla intoitir ki ti; kei khomin kin hnêa ka Pa rêngtoihmun kôla ki itoi ang hin.

THUPHUANG 5:10

Kin Pathian sintho hrangin khua le tuia le ochaihaiin ni siam tâka; Khanchu, irnênga roirêl an ti,” tiin hla thar an saka.

1 SAMUELA 15:17

Samuela’n, “Nangma insâpin mi chînte angin irbe khomin lân, Israel nam pumpui hruaitu kêng ni ini, Rengpa’n Israelhai rêng ni hranga sahriak nang a irthutir a ni.