1 SAMUELA 2:6 - PATHIAN LEKHABU IRTHIANG C.L. Bible (BSI)

⁶ Rengpa khan a that theia, an hring nôk thei ngai; thâna an fetira, a hong hruai nôk ngai.

1 SAMUELA 2:6 ပူးပေါင်းရင်းမြစ်များ

1 RÊNGHAI 17:22

Rengpa khan Elija chongchaina chu a sâma nâipang chu a hong har suaka, a dam nôk ta.

2 RÊNGHAI 5:7

Israel rêngin lekha irziak kha a tepin chu, a puan an potthêra, “Mi thata indamtir thei Pathian mo ki ni, hi mi hin inphâr indamtir hranga a ni hong iti? a ni doi theina hrang lampui a izong mai a ni,” a tia.

JOBA 5:18

Pathianin a inphophai kha a tuam nôka; a kuta a innatirhai kha an damhai nôk ngai.

INPÂKNA HLAHAI 116:3

Thina hruihrualhai khan a ni zêla; Seol natnahai khan a ni chela; Lungzîngna le beidongna ki tuang tâka.

INPÂKNA HLAHAI 30:4

O, a mi irthianghaio, Rengpa inpâkin zâi unglân, A’rhming irthiang kha inpâk roi.

INPÂKNA HLAHAI 68:20

Pathian chu ei ta hrangin saninzôktu Pathian a ni; Thina ata suaknahai chu Rengpa Jehova ta a ni sa.

INPÂKNA HLAHAI 71:20

Nang, charindongna tamtak le irkhêltak ni nin hmutirin chu, Nin hringtir nôk a ti, Irnêng inthûk ata ni hruai suak nôk a ti.

THUHRILTU 3:3

that zoro a oma, indam zoro a oma; set zoro a oma, siam zoro a om,

ISAIA 26:19

Ni mi lei thihai chu thoi nôk an ta, an takpumhai thoi nôk a ti. Nêngpila zâl tâkhai har nôk an ta, râifân takin zâi an ti. Hnâ chuai tâk, irdo’n a inhartir nôk ngai ang hin, a thi tâkhai khom Rengpa’n zuan harhai nôk a ti.

EZEKIELA 37:12

Khasikin ki mi Israelhai kuang khan thu hrilin lân, kei Rengpa Pathian ngêt hin an thânhai chu inhongtir ki ta, kêlsuahai ki ta, Israel rama hong hruaihai nôk ki ti, tiin hrilhai roh.

EZEKIELA 37:3

Khan ki kuang, “Mihriam nâipa, hi ru chârhai hi hong hring thei nôk nihai mo?” tiin a nir dona. Khan keiin a kuang, “Rengpa Pathian nangma vaiin kêng ni inhriat,” tiin ki sâma.

MATHAIA 12:40

Jona chu sûn thum le zân thum ngapui sûnga a iom ang khan Mihriam Nâipa hi sûn thum le zân thum irnêng sûnga a iom hrang a ni.

JOHANA 11:25

Jisua’n, “Kei hi thoinôkna le hringna ki ni, tukhom a ni iam ka chu thi khom sianlân, hring mai a ti;

DÂN INHNINA 32:39

Keima vai hi Pathian kha ki ni, om ta tak mahai pathian danghai, ki thathaia, kin damtirhaia, ki ta ni sutpai thei tûte om mahai.

THUPHUANG 1:18

A hring kha ki ni! Thina chunga le mithi khua chunga khom ircham ki nei.

1 SAMUELA 20:3

Khannisian Davida khan, “Ni pa khan lung ni ni inkham dân hi an hriat infel vinga, khasikin Jonathana khan hi thu hi chu inhre ual no ri se. khano’nchu, a lungrîl a na pe hrai itinin, a iti khom a ni thei. Khasikin Rengpa irhming chôiin ni kuang chong kin kung a ni, thina le kin kâr chu kalkhat vai a ni,” a tia.