1 SAMUELA 2:5 - PATHIAN LEKHABU IRTHIANG C.L. Bible (BSI)

⁵ A lei khopa omhai kha fâk hrang zongin an irhlo tâka, phîngchâma lei omhai kha an hong khop ta. A ni, nupang chingnu khan nâi sari a nei tâka. Nâi tamtak neinu kha kut korongin a om ta.

1 SAMUELA 2:5 ပူးပေါင်းရင်းမြစ်များ

INPÂKNA HLAHAI 113:9

Ama khan nupang ching chu a chôiirsânga; Nâi le te neinu, raifân takin a siam ngai. Rengpa chu inpâk roi!

INPÂKNA HLAHAI 34:10

Kâmkeibaknei vânglaihai kha an irsamin an phîng a châm ngaia. Rengpa zongtuhai chu thil sa rêng rêng irsam no nihai.

ISAIA 33:9

Ram chu a’rzalin a iram zoi a ni ta. Lebanon rampui a ngûi zoi tâka, Saron phâi khan ramchâr angin a om ta, Basan le Karmel tânga thing hnâ a chil zoi ta.

ISAIA 54:1

O nang a ching nâi nei ngai loi, raifân takin khêk ro, nâihâ irvei ngai loi, lômin khêksuak ta ro; pasal neihai nêkin chu, beidong tuangnu’n nâi le te nei intam ual a tih Rengpa’n a ti.

JEREMIA 15:9

Nâi sari inthinu kha chu a’rzal tâka, intak takin a iom tâk a ni. Sûn vâr chu zân angin a om pea, mualinphoiin a bei an dongtir ok ta. A la dam sunhai khom nin râlhaiin nangni inthattirhai ki ti,” ti hi keima Rengpa iti a ni.

LUKA 1:53

Phîngchâmhai chu thil tui tinrêngin a vâia, Irchonghai chu kut rongin an fetira.

LUKA 16:25

“Abrahama’n chu, ‘Ki nâipa, nangin ni dam laiin thil sa inzen ni donga, khaang dênin Lazara’n thil saloi inzen a idong kha inhre mai ro ba; atûn chu ama chu irtharngam takin hi hin a om ta, nang chu natna tuangin ni iom tâk a ni.

GALATIA 4:27

Pathian Thubu’n, “Nang a ching tâk, nâi nei ngai loi, lôm roh! Nang nâiha irvei ngai loi, raifân takin khêk suak roh! Nupang pasal neinu nêkin chu nupang chardong om, mi imâknu khan nâi a nei intam ual a ti,” ti irziak ang khan.

RUTHI 4:15

ama chu ni ta hranga hringna inthar nôktu le ni tar tianga nang a donsuitu la hong ni a ta, ni moinu nang lungthungtu hi nâipasal sari nêka tama hlu ual, ama chu nang a nei pe tâk a ni,” an tia.

1 SAMUELA 1:20

Khanchu Hani khan nâi a vong tâka, nâipasal a neia; “Rengpaa ki izong a ni,” tiin a’rhming khom Samuela tiin a phua tâka.

1 SAMUELA 1:6

Nâi a nei thei no sika a beidongna irbôktir pe ual hrangin ama irsiatpuinu Penini hin hmusitin a lei êsêl ngaia.