1 SAMUELA 2:35 - PATHIAN LEKHABU IRTHIANG C.L. Bible (BSI)

³⁵ Ochai iamom tak ki ta hrangin inthang nôk ki ta, ama khan ki lungdo inchuk a ti. Sûngkua det takin siam ki ta, kumtuangin ki sahriak irthu makunga khan sintho a ti.

1 SAMUELA 2:35 ပူးပေါင်းရင်းမြစ်များ

2 SAMUELA 7:27

O itinrêng sinthei Rengpa, Israelhai Pathian, ni suak kuang hin, Ni’rchihai rêngin siam ki ti, tiin nin puang tâka, khasikin ni suak hin hi chongchaina hi ni kuang a intung ngam a ni.

1 RÊNGHAI 11:38

Ki siahlo Davida anga, ki thu zôma, ki dân ngîka, ki mithmua satakin ni omin chu ni kuang om mai ki ta, Israelhai rêngin nang phun ki ta; Davida kuanga ki inkung angin, nir chihaiin ni hnunga khom roirêl mai an ti.

2 SAMUELA 7:11

Ni râlhai lai ata zôkin nang inomtir ta ki ti, khabana irchi suanpâr nang pe ual ki ti.

1 SAMUELA 25:28

Nang a zuinu tho’nchâina hi irngaihoi takin inza roh. Rengpa khan insûngkua det takin nan dingtir ngêt a ti. Rengpa irdoinahai ni doipui sikin, ni dam sûng kârka chu nangma hin sualna hmu hrang om no ni.

INPÂKNA HLAHAI 18:50

Ama khan chu saninhringna roiinpui tak rêng a isiam kuang a pêk ngaia; A sahriak poltu chunga, Davida le ar chihai chung ngeia khan, kumkhua’n a lungkham lianzia inlangtir a ti.

HEBRAI toc2 HEBRAI 2:17

Khasika khan Pathian sin a thôna khan mihriamhai Ochai Inlaltak, iamom le lungkhamnaa sip a hong nia, an sualhai ngaidam a ni theina hrangin lam tinrênga a urênghai angin a inang pial a ni.

1 THURCHI SUINA 29:22

Kha ni khan chu Rengpa kuang raifân takin an fâkin an ina. Solomona chu rêng a nih ti an inpuang nôka, Rengpa irhmingin roirêltua sahriak an pol nôka, Zadoka khom ochai ni hrangin sahriak an pol tâka.

1 RÊNGHAI 2:35

Rengin Jehoiada nâipa Benaia chu sipai ulian tak hrangin Joaba hmuna a sia tâka, ochai Zadoka chu Abiathara irthûlin an omtir ta.

1 RÊNGHAI 1:45

Ochai Zadoka le deipu Nathana’n chu Gihon-a khan rêng hrangin sahriak an pola, khatak ata raifân takin an hong kîr nôka, an irhâi khopui intorin a oma.

1 RÊNGHAI 1:8

Ochai Zadoka, Jehoiada nâipa Benaia, deipu Nathana, Simeia, Reia le mi hâitak Davida enkoltuhaiin chu Adonija kha zui nuam mahaia.

1 SAMUELA 16:13

Khanchu Samuela khan sahriak thunna sial irki kha a lâka, a urênghai mithmua khan Davida chu sahriak a’rthutira. Voikhat zelin Rengpa irtha kha Davida chunga a zuang chuma, kha nî rengata kha a ompui mai tâka. Khan Samuela chu Ramah khua tiang a kîr nôk tâka.

1 SAMUELA 12:3

Tho’nchâi ki lei nei duai khomin, hi hmuna hin ki om Rengpa makunga le a inthang rêng makunga hin ni sêl roi, mi sial mani, mi sakuartung mani ki lei lâk ngai khomin, mi huangin mani, dengintheitirin mani ki om ngai mo? Ki mit inchotir hrangin tu kuanga mo fâkinrûk ki itho? mihai kuang ata minlak ki thôna a omin chu a rêngin tuam nôk ving ki ti,” a tia.

EZEKIELA 34:23

Khanchu ki sinthotu Davida anga rêng inkhat an belrapu hrangin pehai ki ta, ama’n anni chu donsuihai a ti.

INPÂKNA HLAHAI 2:2

An rênghai chu an irhela, An hruaituhai khom inrualin Rengpa le a rêng inthang kha doiin thu an ngaituaa;

NAMBAR 25:13

Ama le a’rchi suanpârhai chu kumtuanga ochai nina pêk an nia, a ni doipuituhai chu irngai thei maka, mipuihai sualna ngaidamna khom an tungtir sikin,” a tia.

FESUAKNA 1:21

Khanchu hiang hin kurmâhai chu Pathianin in sûngkua satakin a hong siamhai ta.

1 SAMUELA 2:36

Hiang hin ni a ta, ni ina la om murdihai kha tangka le bai ngênin, kha ochai kuang khan fe an ta, bai a chînte lua fa hrang ki hmu theina hrangin ochai sin, i khôk mani nin thotir ro, ti an ti,” a tia.

1 SAMUELA 3:1

Khan nâipang Samuela kha Elia makunga Rengpa sin a tho laia khan Rengpa kuang ata chongbe om lele ngai maka; inlârna tihai khom.

1 SAMUELA 7:9

Samuela’n kêlbelrate irhnu nêk lai kha a lâka, a thata, pumhâl thilinhlanin Rengpa kuang ar hlana. Kha hnung chu Israel mihai ta hrangin Samuela khan Rengpa kha a koia. Rengpa’n a don tâka.

1 SAMUELA 8:3

Khannisianlân, anni khan an pa omdân zui loiin, sum le puan tiang an huatirhama, khasikin fâk inrûkhai an hmanga, dik loi takin roi an rêl ngaia.

1 SAMUELA 9:12

Anni khan, “O, a om nin matona a lei fe chak a ni. Irhnot unglân la va phâk nin ti. Kho sûng nin hong lût le hmu zel nin ti, a vuan hin kho sûng a zuang itung a ni. A vuan hin tâng chunga maichâma mihaiin irbôlna an inhlan a ni. Kha irbôlna kha bor pêktu hrang a lei ni sikin a tung mâka chu mipuihaiin khalâi an irhîl thei loi hrang a ni. Bor a pêk zoi tena kêng an ikoihai khan an la ifâk thei ngai a ni, khasikin nin fe lata niin chu tâng chunga bu nêk hrang a fe mân hong hmu zel nin ti,” an tia.

1 SAMUELA 10:9

Khanchu khaang khan a hong ni tâka, Saula’n Samuela kha teipui hrangin hnung a songsan tena chu Pathianin lungrîl danglamna a pêk tâka; kha ni khan Samuela’n a kuanga a ihrilhai kha a tung irkip ving tâka.

1 SAMUELA 10:10

Khanchu tâng kha an hong tung tena chu, deipuhai khan an irtongpuia, Rengpa irtha a zuang chum pea, an thuhrilna khan a kop sa tâka.