1 SAMUELA 2:3 - PATHIAN LEKHABU IRTHIANG C.L. Bible (BSI)

³ Lârirpâk chong hmang irngam unglân, Ni bâi ata ite irsongna chong suak ta no ri se. Rengpa chu vârna Pathian a nia. Ama’n a nitina nin sintho kha a izêk ngai a ni.

1 SAMUELA 2:3 ပူးပေါင်းရင်းမြစ်များ

1 RÊNGHAI 8:39

An chongchaina chu sâmhaiin lân, ngaidamin lân, changpuihai roh. Nangma vaiin kêng mihriam ngaituana sûngrîl inhriat thei. Mi murdi an sintho lam angin rêlhaiin lân,

JOBA 31:6

Irvarna diktak leh ni var sianlân, Ki dik lam hi Pathianin inhre ving a ti.

INPÂKNA HLAHAI 147:5

Ei Rengpa chu a roiinpuia, sinthothei tak a ni; A vârna khan mong ni nei mah.

INPÂKNA HLAHAI 17:10

Mâni an irfâ inmara, lârirpâk takin an bâiin an chong ngai.

INPÂKNA HLAHAI 31:18

Hmûr milaktheihai kha chongthei loiin om ri sehai; Khahai khan lârirpâk takin mi fel an hrilsiat ngai.

INPÂKNA HLAHAI 44:21

Pathianin chu a izong suak loi hrang ma ni? Lungrîla thuphai hi an irhriat mai a ni.

INPÂKNA HLAHAI 75:5

Mi siahai kuang khan, “Irsor ta no roi ki ti pea,” a tia.

INPÂKNA HLAHAI 94:4

Anni chu an chong pai paia, hmâitâi takin thu an insîra: Thil tho’nsualtuhai murdi chu an irpâk irhlôm ngai.

THUVÂRHAI 16:2

Mi, mâni irngaiin a itho murdi a dik a ti thei, khannisian Pathianin chu lungrîl tumna kêng a irkhî ngai.

THUVÂRHAI 24:12

“Kei chu ite inhre ma ung” ni ti thei, Pathianin chu ni lungrîl tumna an hriata, a ivarh mai kêng. Nang a thîr chiana; nang an hriat zit. Ni sintho lam ang takin nang thuan nôk a ti.

THUVÂRHAI 8:13

Rengpa chi chu sual hnôlpai hi a ni; irpâkna hai, irsongna hai, sual lampui hai le chong chanlamboi hai hi ki ihnôlpai a ni.

ISAIA 26:7

Mi dikhai lampui ni siam nuama, an fena hrang nin tûn pehai ngai.

ISAIA 37:23

Tu mo ni innuisan, imo nang ar fê pe na? Tu chunga mo ni ikhêk? Tu chunga moh mualphoi ni irlâk? Israel mi irthiang chunga moh ni mah.

JEREMIA 17:10

Keima Rengpa hin nin irngaituanahai ki suia, Mihriamhai lungrîl ki ifia ngai a ni. Mi tin an innun dân dungzuiin an sintho dungzuiin lômman ki pêk ngai,” a tia.

EZEKIELA 35:13

Keima ni doia, lârirpâk taka ni chongchai khom kha kin hriat sa a ni,” a tia.

DANIELA 4:37

Khanchu kei Nebukadnezara’n irvân Rêng chu kin pâka, ki ichôiirsângin ki inzâ a ni, a sintho a fel sikin; mualinphoia omhai khom a irhnuaitir thei a ni.

DANIELA 5:27

Tekel ti chu ivarh ni nia, chuk ta mak che tihna a ni.

MALAKIA 3:13

Ki chunga nin thuhai kha a sân a ngar, Rengpa khan a ti. Nangni rêkin chu, ia khan mo kin insîr? nin tia.

HEBRAI toc2 HEBRAI 4:12

Pathian thu chu a hringa, sin a tho theia, i ang dôra khandai hriam ngaih tak nêk khomin a ngaih uala, hringna le irtha irbunnahai, ru’rbun le irtin hai dênin a sunkhoi chit theia, lungrîla ngaituana le tumnahai hi an hriat thei zôi zel ngai a ni.

JOSUA 22:22

“Rengpa chu pathianhai Pathian a ni. pathianhai Pathian Rengpa’n kin itho lam a inhril hi te; nangni khomin inhriat sa unglân kin nuam. Rengpa chunga nuar kin nia, a chunga iamomloi kin nia chu, hring damin nin omtir ta no roi.

THUPHUANG 2:23

A zui ngaihai khom kha that pe ki ta, khanchu keima hi lungrîl le ngaituana inhre ngaitu ki nih ti koiindanghai murdi’n inhria an ti. Nin rêngin nin sintho ang sengin nangni pe ki ti.

ROIRÊLTUHAI 9:38

Zebula’n hi ang hin a ti tâka: “Abimeleka hi tu mo a ini, a sin kin itho pe hrang? tia ni ihrilna chongbâi kha khôn mo a om tâk? Ni ihmumâkhai tak tak kha an ni so. Suakin lân, va doihai ta ro,” a tia.

1 SAMUELA 16:7

Khannisianlân Rengpa khan Samuela kuang, “A hmêl satna mani, a dung sei dân mani, en no ro. Ama hi chu ki inuam loi a ni. Keima’n chu mihriam en dân angin ki ien loi a ni. Mihriamin chu pên tianga inlang an en ngaia. Rengpa’n chu lungrîl a ien ngai a ni,” a tia.