1 SAMUELA 2:29 - PATHIAN LEKHABU IRTHIANG C.L. Bible (BSI)

²⁹ Itho sika mo ki omnaa inhlan hranga ki inkung, ki kuanga irbôlna le ki dongtum thilinhlan kha nin sirbea? keima nêkin ni nâipasalhai ni inhlu ual, nangni irvâi marna hrangin mo ki mi Israelhai irbôlnaa sahai nin ihmang hi?

1 SAMUELA 2:29 ပူးပေါင်းရင်းမြစ်များ

2 RÊNGHAI 12:6

Kum sômhni inthum Joasa an lal zoi khomin tempil chu siam insat loiin a om maia.

INPÂKNA HLAHAI 26:8

Rengpa, ni omna in kha ki’rngaiinnata, Ni roiinpuina omna khom.

EZEKIELA 13:19

Barli tômte le bai tiam hmu hranga thi loi hrang inthotir hrang le hring loi hrang inhringtir hrangin nin milak insîr hi mihaiin an iam sikin ki mihai laia ki’rhming nin porinchetir a ni.

EZEKIELA 34:10

Kei Rengpa Pathian hin ki ti, kei chu nin râl ki nia, ki belrahai chu nangni ata lapaihai ki ta, khanchu itiklai khomin nangni chu belrapu’n nangni se ta ngai no ning, nin bing vaia irdonsui hrang khomin nangni siam ta no ning. Nangni rengata ki belrahai chu saninzôkhai ki ta, nangni infatir ta ngai no ning.

EZEKIELA 34:2

“Mihriam nâipa, Israel roirêltuhai kha theiloi inchangtirhai roh. An kuang thu hrilin lân, kei Rengpa Pathian hin hiang hin ki iti a ni, ti pehai roh. Nangni Israel belrapuhai nin chung a rik e! Nin bingin, nin irdonsuia, khannisian belrahai chu itiklai khom donsuihai ngai mak chêi.

HOSEA 4:8

Ki mihai sualna zâra irchong an irtia, an pualoinaa khan an lungrîl an irnghata,

LEVI DÂN 19:15

Dik takin ni tualbômhai thu rêl pe ngaiin lân, mi’nriang ditsak bîk no’n lân, mi’rchong chi ual hliak no roh.

MIKA 3:5

Pêk hrang neihai kuang, irtharngamna tia khêka, pêk hrang nei loihai irdoina om a ti, tia insîrtu deipuhai khan ki mihai an huanga, an chungchâng thu Rengpa’n hiang hin an sîr:

MATHAIA 10:37

Tukhom keima nêka a nu mani, a pa mani lungthung ual chu, ki irchutir rua ni mah.

MATHAIA 22:16

Khan, an irchutir senkhathai le Heroda pâla mi senkhathai a kuang an tîra, kha mihai khan, “Irchutirtu, thutak nin sîr ngai ti kin inhriat tukhom uksak ual ngai mak chea, tukhom theibîk loiin mihriam ta hranga Pathian lungdo thutak kha nir chutir ngai.

LUKA 14:26

“Tukhom a pa mani, a nu mani a dôngma mani, a nâihai mani, a urênghai mani, a farnuhai mani, ama hringna nêk khoma lung ni thung loi chu ki irchutir ni thei no ni.

ROM KHUAA MIHAI KUANGA TÎRTÔN PAULA LEKHATHON 16:18

Khaang mihai khan ei Rengpa Krista sintho mahai, mâni phîngpui sintho chian an ni. An chong hmang thiam le chong hoiin mi’nmôlhai kha an huanghai ngai a ni.

2 KORINTH 5:16

Khasikin mihriam irkhî lamin tûte hril insiat ta no ni ung. Mihriam irkhî dânin Krista lei inhre ta khom unglân, tho ta ma ung.

DÂN INHNINA 32:15

Israelhai kha an hong irchonga, a sân an hong irhniang tâka, an mar tel tul tâka, Siamtu, an Pathian kha an rotsana, saninhringtu, an lungpui kha an ngainêpa.

DÂN INHNINA 33:9

A nuhai, an pahai, chunga an iamom nêkin, ni chunga an iiamom ual a ni. Ni thupêk an zôma, ni thuthunga a iamom a ni.

JAKOBA toc2 JAKOBA 3:17

Chung tiang ata vârna zuang suak chu a maton taka a’rthianga, kha zoiin irngei a nuama, a milung ar uaia, changpui a hoia, lungkhamna le ra saiin a sipa, theibîkna le vârirletna nei ngai mah.

JOSUA 18:1

Israel mihai chu Silo-ah an irbukkhôma, Rengpa omna biakbuk puanzâr kha an zâra, ram chu an lâk tâka.

1 SAMUELA 3:13

A nâipasalhaiin Pathian an insîrinsiatna sual kha inhriat chakin a khap no sikin a in sûngkua chu kumtuanga hrangin kuttum ki itho hrang a nih ti hi ki lei ihril zoi tâk a ni.