1 SAMUELA 2:12 - PATHIAN LEKHABU IRTHIANG C.L. Bible (BSI)

¹² Elia nâipasalhai kha mi chanlamboi an nia, Rengpa khom mahrip tho loi

1 SAMUELA 2:12 ပူးပေါင်းရင်းမြစ်များ

1 RÊNGHAI 21:10

mi sual inhni ama sêl hrangin a maton tiang inlôitirhai unglân, ‘Pathian le rêng nin sîrinsiat a ni,’ tiin sêlhai sian kho sûng ata hruaisuak unglân, dêng that roi,” tiin.

1 RÊNGHAI 21:13

Mi sual inhni hin “Pathian le rêng an sîrinsiat a ni,” tiin an sêla. Nabota chu kho sûng ata an hruaisuaka, an dêng that ta.

JEREMIA 2:8

Ochaihaiin Rengpa kha kho tiang mo a iom? Chong irdon siam loiin, ki ochaihaiin an ni inhriat loi a ni. Roirêltuhai ki chunga tehel an zonga; deipuhaiin Baal irhmingin thu an inpuanga, Hlutna nei loi millim chubai an imûk a ni.

JEREMIA 22:16

Inrianghai le irsamhai a uksaka, khanchu itinrêng ama hrangin chu a sa inzen a chang pe tâka. Khatak kha kêng Rengpa inhriat tihna chu a ini.

JEREMIA 9:3

Minlak tho hrangin an irfôk mai ngaia; Ram sûnga dikna nêkin irhuangna an lal tâka. Rengpa’n a ti, “Ki mihaiin thil saloi ata saloi thil dang an thoa, an Pathian an ni inhriat viat ta loi a ni,” a tia.

JEREMIA 9:6

Tho’nchâina chu tho’nchâinain a zuia, irhuangna chu irhuangnain a zui ngai, a san chu nin hriat zel an tum no sika a ni, Rengpa’n a ti.

EZEKIELA 22:26

Ochaihai khomin ki dânhai an inchâia, thil irthiang uksak loiin, thil irthiang le porinche thua irchutirna nei mahaia; sabat sûn khom uksak loiin. Khasikin, Israel mihai hin mahrip ni tho loiin an iom zoi a ni ta.

JOHANA 16:3

Khaang thil kha mipuiin nin chunga la tho an ti, Pa le kei an nin hriat no sikin.

JOHANA 17:3

Hi hi kumtuang hringna chu a ni, nang Pathian tak vai le ni itîr Jisua Krista inhriat hi.

JOHANA 8:55

Ama chu inhre mak chêi, keima’n chu kin hriat; Ama kha inhre ma ung ki ti’n chu, nangni ang dêna milak ni ki ti; khannisianlân, ama kin hriata a thu khom ki zôm ngai.

ROM KHUAA MIHAI KUANGA TÎRTÔN PAULA LEKHATHON 1:21

Pathian chu inhriat chakin, Pathian angin chu chôiindôm mahaia, lômthu khom hril mahai; thil chanlamboi an ngaitua tâka; an lungrîl invêt chu an thim zoi ta.

2 KORINTH 6:15

Krista le Beliara khomin irnaina imo an nei? Iamtu le iamloi imo kopirkâina an nei?

DÂN INHNINA 13:13

nin laia mi sual, chukloi tak tak omna khuaa mihai kha, nin la ibiak ngai loi pathian biak hrangin an inthêm lût ta, ti nin inhriatin chu,

DÂN INHNINA 13:14

sui nin ta, ngûk takin irdon vêl nin ta, nin laia khaang thil porinche kha a tho an om ngêt ti nin inhriatin chu,

ROIRÊLTUHAI 19:22

Râifân le lômtaka bu an fâk laiin khopuia mi sual pôlin in kha an hong irhuala, mikot chu an hong suk tuk tuka, in neipu tarpa kuang, “Ni ina mikhual tunghai kha hong hruaisuak ta, lei irpôlpuihai ro ung,” an tia.

ROIRÊLTUHAI 2:10

Upahai khom chu an thi zita, Rengpa lan hre ngailoi Israel ta hranga a sintho lan hre phâkloi rualthoithar an hong pung thiai maia.

1 SAMUELA 10:27

Khannisianlân, Beliala nâi senkhathaiin chu “Hi pa hin itin mo a ni isansuak thei hrang?” an tia. Khanchu an hmusita, lômman ite pe nuam mahaia, khannisian ama chu ite ti loiin a dâihreka.

1 SAMUELA 25:17

Khasikin imo ni itho hrang a satak ngaitua ro; kin pu chunga le a insûngkua murdihai chunga hin thil saloi a itung thei a ni. Ama lak hi lungrîl saloi, tûte ichongpui thei loi a ni,” a tia.

1 SAMUELA 3:13

A nâipasalhaiin Pathian an insîrinsiatna sual kha inhriat chakin a khap no sikin a in sûngkua chu kumtuanga hrangin kuttum ki itho hrang a nih ti hi ki lei ihril zoi tâk a ni.

1 SAMUELA 3:7

Khanchu Samuela chu a thoia, Elia kuang khan a fea, “Hin ki om ni ni koi maia,” a tia. Khan Elia khan a sâma, “Nang koi ma ung, ki nâipa va zâl nôk ta ro,” a tia.