1 SAMUELA 2:11 - PATHIAN LEKHABU IRTHIANG C.L. Bible (BSI)

¹¹ Khanchu Elkana kha Rama khua, a ina khan a kîr tâka. Khannisian nâipangte Samuela chu Silo khuaa a om mai ta, ochai Elia makunga khan Rengpa sin a tho tâka.

1 SAMUELA 2:11 ပူးပေါင်းရင်းမြစ်များ

1 SAMUELA 1:1

Efraima tâng rama Ramathaimzofim khuaa hin Efraima nama mi inkhat ar hming Elkana a oma. Ama hi Zufa panama mi, Tohua in sûngkuaa mi Elihua nâi Jerohama nâipasal a ni.

1 SAMUELA 1:19

Zîng nôka chu Elkana le a in sûng mihai kha zînga an thoia. Rengpa leh an chong zoiin chu Rama khua an ina an fe nôk tâka, Elkana khan a dôngma Hani kha a’rpôlpuia; Rengpa’n Hani chongchaina chu a sâm pe tâka.

1 SAMUELA 1:28

Khasika khan keima khomin Rengpa kuang ki inhlan a ni, a dam sûng chu Rengpa ta hranga ser irthiang ni ta ri se,” a tia. Khanchu kha hmuna khan Rengpa chubai an mûk ta.

1 SAMUELA 2:18

Khannisianlân Samuela chu nâipangte ni khomsian, puan irphân ochai songkol innghâkin Rengpa sin a tho ngaia.

1 SAMUELA 3:1

Khan nâipang Samuela kha Elia makunga Rengpa sin a tho laia khan Rengpa kuang ata chongbe om lele ngai maka; inlârna tihai khom.

1 SAMUELA 3:15

Samuela kha a vâr dênin a zâlhmuna khan a oma; khanchu a hong thoia, Rengpa khan mikothai kha an honga, kha inlârna kha chu Elia hril hrangin a sân a chi tâka.

1 SAMUELA 7:17

Kha hnung chu ama omna Rama khuaa khan a kîr nôk ngaia; kha hmuna khom khan Israelhai roi a rêl pehai sa a ni. Rama khua khan Rengpa ta hrangin maichâm a isiam a ni.