1 SAMUELA 2:10 - PATHIAN LEKHABU IRTHIANG C.L. Bible (BSI)

¹⁰ Rengpa doituhai chu koi irnôi chit an ta, Irvân ata khonri’n doi a ti. Rengpa khan rammual pumpui chunga roirêl a ta; a rêng kha hrâtna pe a ti. A hriak irthu ngai hrâtna kha chôiirsâng a ti,” a tia.

1 SAMUELA 2:10 ပူးပေါင်းရင်းမြစ်များ

INPÂKNA HLAHAI 2:9

Anni kha thîr khianghrolin inkhoi ni ta, Pil bêl angin anni kha khoi irnôitir chit ni ti,” a tia.

INPÂKNA HLAHAI 89:24

Ama kuanga khan ki iamomna le ki lungkhamna kha om ta a ta; Ki’rhming sikin chôiindômin om a ti.

INPÂKNA HLAHAI 96:13

Rengpa makunga khan: ama chu a izuang hrang a ni; Irnênga roirêl hrangin a izuang hrang a nia: Rammual hi fel takin roi rêl pe a ta, Mi tinhai chu a thu takin roi rêl pe sa a ti.

FESUAKNA 15:6

Ni kut chang tiang kha, O Rengpa sinthotheina roiinpuiin ni kut chang tiang khan, O Rengpa râlhai irsem darin.

INPÂKNA HLAHAI 98:9

Rengpa makunga khan; irnêng roirêl hrangin a izuang hrang a nia: Rammual hi fel takin roi rêl pe a ta, Theibîk nei loiin mi tin roi chu rêl a ti.

INPÂKNA HLAHAI 20:6

Rengpa’n a sahriak poltu hi a saninhring ti atûn hin kin hriat ta; A kut chang tiang saninhringna irnakin ar vân irthiang ata la zuang sâm a ti.

1 SAMUELA 7:10

Samuela’n hâlirvôm thil an hlan lai takin Filistia mihai khan Israelhai doi hrangin an hong suaka; khannisianlân kha ni khan chu Rengpa’n Filistia mihai chunga khonri irhâi siat takin an tongtir pehaia. Anni chu a satea buaia lunginzîngin lâizâm an tho tâka.

LUKA 19:27

Khan, hi ki râlhai inlal hranga ni inuam loituhai hi, hong hruai unglân, ki makunga that roi,” a tia.

MATHAIA 28:18

Jisua’n a hong panhaia, anni kha a chongpuihaia, “Irnêng le irvâna irchamneina murdi ki kuang pêk a ni ta.

THUHRILTU 12:14

Pathianin sintho murdihai chunga roi a la rêl hrang a nia, thil irthup tinrêng, a siat mani, a sa mani tihai khom hi.

THUHRILTU 11:9

O vânglai, ni vânglai nikhuahai hin raifân takin hmang ro, ni vânglai nikhuahaia khan ni milung chu raifânin om sianlân, ni itho nuamhai chu tho’n lân, ni milung irzukhai chu tho ro, khannisian, ni sintho murdihai chunga Pathianin roi la rêl a ti, ti inhre mai roh.

INPÂKNA HLAHAI 45:7

Felna chu nir ngai inhlua, pualoina chu ni khôkmâk kha; Khasikin, Pathian, ni Pathian chu ni rualhai nêka irkhêl raifânna sahriak nang a’rthûtir tâka.

INPÂKNA HLAHAI 21:1

O Rengpa, rêng kha ni hrâtnaa hin raiinfân a ta, Ni saninhringnaa hin a raiinfân hrang bâka!

INPÂKNA HLAHAI 2:6

Rengpa’n “Keima ngeiin ki tâng irthiang Zion-a khan, Ki rêng inthang chu ki intoitir a ni ta,” a tia.

INPÂKNA HLAHAI 2:2

An rênghai chu an irhela, An hruaituhai khom inrualin Rengpa le a rêng inthang kha doiin thu an ngaituaa;

ROIRÊLTUHAI 5:31

O, Rengpa ni râlhai khaang khan thihai sian, Ni rualhai rêk chu, misa suak angin vâr phut ri sehai tiin. Kum sômminli sûng chu an rama irngeina a lênga.

2 KORINTH 5:10

Mi tinin taksaa sinthohai, a sia mo, a sa mo, ei itho ang taka ei hmu theina hrangin Krista roirêlna toihmun makunga khan inlangin ei iom zit hrang a ni.

TÎRTÔNHAI SINTHO 10:38

Nazaret Jisua chu Pathianin Irtha Irthiang le sinthotheina’n a vurzia kha nin inhriat. Pathian khan a ompui maia, sin sa thoa inzin vêlin Diabola soisak murdihai an damtir thiaia.

TÎRTÔNHAI SINTHO 4:27

“Khaang tak khan hi khuaa hin ni siahlo irthiang, Jisua sahriak ni ipoltu chunga khan, Heroda le Pontia Pilata hai kha Jentailhai, Judahai leh an inthurual tâka.

LUKA 1:69

A siahlo Davida irchi ata ei ta hrangin saninhringtu roiinpui tak an ding ta.

MATHAIA 25:34

“Kha tika chu inlaltak rêng khan a chang tianga mihai kuang, ‘Hong roi, ka pa satvurhaio, hong unglân, rammual siam irphut ata nin ta hranga ram sinsiam kha chang roi.

ISAIA 45:24

“Rengpa, nangma leh vai a ni, dikna le hrâtna chu a om,” ni la ti an ti. Keima tiang hong an ta, a ni hnôltu murdi chu mualphoi irla an ti.

ISAIA 32:1

Irngai roh rêng dik inkhat hon lal hrang a ni. A ulianhai khomin diktakin roirêl an ti.

INPÂKNA HLAHAI 148:14

A mihai chu an hrâttirhaia, Khanchu a mihai khan ama an inpâk theina hrangin, a mi Israelhai, a kôla mihai inpâkna chu. Rengpa chu inpâk roi!

INPÂKNA HLAHAI 89:17

Nang chu an hrâtna roiinpuina ni nia: Ni ikanbîkna sikin chôiindômin kin om ngai.

INPÂKNA HLAHAI 28:8

Rengpa chu an hrâtna a nia; A sahriak pol hrangin chu saninhringna kulpui a ni.

JOBA 40:9

Pathian anga hrât mo ni ni? Ama hê anga mi izôm thei inring hê mo ni neia?

2 SAMUELA 22:14

Kha hnung chu Rengpa kha irvâna irthokin an ri dur dura; an chungtaka irhâi kha an thangtir tâka.

2 SAMUELA 7:13

Ama khan keima tempil sintu chu ni a ti, a ram rêngtoihmun chu kumtuanga hrangin indettir ki ti.

2 SAMUELA 7:8

“Khasikin ki suak Davida kuang, itinrêng sinthei Rengpa khan hiang hin a ti, kêlbelra lêngna khan belra enkolin ni oma, ki mi Israelhai chunga hruaitu hrangin nang kin thang suaka.

1 SAMUELA 16:1

Rengpa khan Samuela kuang, “Israel mihai rêng hranga ki inuam loi tak hnunga Saula sika hin idôra sôt mo irngaiinsiatin ni iom hrang? Ni sial irki sûnga khan sahriak thun insipin lân, Bethlehem-a mi Jesaia kuang khan fe ro; a nâipasalhai laia mi rêng hrangin ki inthang zoi tâk a ni,” a tia.

1 SAMUELA 15:28

Samuela’n a kuang, “A vuana irthokin Rengpa’n Israel ram hi ni kut ata a lâkpai tâka, nangma nêka sa ual mi ni kôlvêla om a ipêk tâk a ni.

1 SAMUELA 12:18

Khanchu Samuela’n Rengpa a koia, Rengpa’n kha ni khan rotui le khonri an thôtir tâka; kha tena chu mipuihaiin Rengpa le Samuela kha a sân an chi tâka.

1 SAMUELA 12:13

Khasikin nin rêng inthang le nin izong chu en roi, Rengpa’n chu rêng nangni a isiam pe tâk a ni hi.

1 SAMUELA 12:3

Tho’nchâi ki lei nei duai khomin, hi hmuna hin ki om Rengpa makunga le a inthang rêng makunga hin ni sêl roi, mi sial mani, mi sakuartung mani ki lei lâk ngai khomin, mi huangin mani, dengintheitirin mani ki om ngai mo? Ki mit inchotir hrangin tu kuanga mo fâkinrûk ki itho? mihai kuang ata minlak ki thôna a omin chu a rêngin tuam nôk ving ki ti,” a tia.

ISAIA 29:6

Phâivuapui le hnîngnu le irhâi siat tak takhai le kêllaiher-hai le, kâng irhmang thei mei ir-al zun zunhai le, Itinrêng Rengpa chu zuar thok a ti.

EZEKIELA 29:21

“Kha thilhai kha a tung tena chu, Israel mihai chu inhrâttirhai ki ta, khanchu nang Ezekiela mi tinin nang an inhriat theina hrangin thu nang inhril ki ta, khanchu Rengpa ki nih ti inhresuak ta an ti,” a tia.

1 SAMUELA 12:17

Bu ât zoroa om mo ni mak me? khannisianlân, Rengpa kha koi ki ta, ama’n rotui le khonri inthôtir a ti. Kha tena chu rêng nin izong chungchânga hin Rengpa mithmua thil nin lei itho inchâi hmu’nfelin inhre ta nin ti,” a tia.

INPÂKNA HLAHAI 20:7

Senkhatin tâlihai an iama, senkhatin sakorhai an iam. Eini rêkin chu Rengpa ei Pathian irhming kha irlam ual ei ti.

INPÂKNA HLAHAI 89:25

A kut chu tuikhangliana khan irnghat ki ta, A kut chang tiang tuidunghaia khan.

INPÂKNA HLAHAI 132:17

Kha khan Davida irchia mi inkhat rêng roiinpui takin siam ki ta; Ki rêng inthang ta hrangin meiser ki’rfûktir tâka.