1 SAMUELA 19:24 - PATHIAN LEKHABU IRTHIANG C.L. Bible (BSI)

²⁴ Khanchu ama khomin a silkaihai a’rkheka, Samuela makunga khan a lâma, thu an sîr sa tâka. Kha nî sûn intuanin le kha zân intuanin korongin a zâl tâka. (Khasika khan, “Saula khom kha deipu a ini sa tâk ma ni?,” iti hi an isôn tâk a ni.)

1 SAMUELA 19:24 ပူးပေါင်းရင်းမြစ်များ

MIKA 1:8

Hi sika hin chap ki ta, khêk rak rak ki ta, irkhek le silkai boiin om ki ti; sihalhai angin inrung ki ta, va ringseihai angin inhrâm ki ti.

ISAIA 20:2

Kum thum lei fe tâka khan Amoza nâipa Isaia chu kekok bun loiin, bora puan sil ta loi hrangin Rengpa’n thu a pêka, a iti angin a thoa; korongin kekok bun loiin a oma.

2 SAMUELA 6:20

Kha irzoiin chu Davida kha a insûng mihai satvur hrangin a kîr nôk tâka. Saula nâinu Mikali kha Davida don hrangin a hong suaka, “A vuana Israel rêng chu a roiinpui vang na! Mi chanlamboi inzakna inhre viat loi, korongboia om ang dôra a vuan hin a zuitu dôngmatehai mithmua korongboiin a iom kha na!,” a lei tia.

TÎRTÔNHAI SINTHO 9:21

A thu’nsîr inhriat murdi’n a sân ar khêl an tia. “Hi mi hi Jerusalema Jisua Irhming irlamtuhai dengintheitirtu kha ni ma mo? Ochai inlalhai kuang hruai hrangin hi Irhming irlamtuhai chel tumin hi hin khom a izuang mo ni ma?” an tia.

2 SAMUELA 6:14

Davida khan puanzâiirhmi ochai songkol irfîngte vai innghâkin thei dôrin Rengpa makunga a lâma.

NAMBAR 24:4

Pathianin thu a ihrilhai inhriat theia, mit leh en maia inlârna hmutu, Pathian Itinrêngthothei kuang ata inlârna hmutu’n.

1 SAMUELA 10:6

Khanchu Rengpa irtha ni chunga zuang chum a ta, nang khom an thuhrilna khan kop sa ni ta, nang khom mi dang chang ta ni ti.

1 SAMUELA 15:35

Khaangin Samuela chu a thi nî dênin Saula chu va’rtongpui nôk ta maka; khannisianlân, Samuela kha Saula sikin beiindong takin a iom tâk a ni. Rengpa khan Israelhai rêng ni hranga Saula a lei iphun kha a irsîr tâk a ni.

1 SAMUELA 18:10

Khan, zîng nôka chu Saula chunga khan Pathian itîr ramilhli a hong tunga, insûnga khan invêt angin a chiar suat suat ngaia. Davida khan sûn danga a itho ngai ang dênin perkhuang a suka; Saula khan ufei a’rlên chiana.