1 SAMUELA 19:23 - PATHIAN LEKHABU IRTHIANG C.L. Bible (BSI)

²³ Ramah khuaa Naioth-ah a fe laia khan Pathian irtha a chunga khan a zuang tung sa tâka, lampui tuana khan Ramah khuaa Naioth tung dênin lâm pumin thu an sîr buan buana.

1 SAMUELA 19:23 ပူးပေါင်းရင်းမြစ်များ

THUVÂRHAI 16:9

Mi, a lungrîla a sin hrang a ngaitua theia, kalchôi hrang lam chu Rengpa’n a zêk pe ngai.

1 SAMUELA 10:10

Khanchu tâng kha an hong tung tena chu, deipuhai khan an irtongpuia, Rengpa irtha a zuang chum pea, an thuhrilna khan a kop sa tâka.

1 SAMUELA 19:20

Khanchu Davida hruai hrangin Saula khan mi a tîrhaia. Anni khan deipu pâlhai lâm puma thu’nsîr sup sup lai le Samuela chu an chunga hruaitu a nih ti kha an va hmua. Khanchu Saula mi tîrhai chunga khan Pathian irtha a zuang tunga, anni khom khan lâm puma thu’nsîrin an om tâka.

NAMBAR 24:2

Khan Balaama’n Israel irchihai chu ama panama an om kha a hmuin chu, Pathian irtha a chunga a zuang tunga,

1 KORINTH 13:2

Khabana, thu’nsîr theina neiin, thu’rthup murdi inhriattheina le inhriatna murdi nei khom inlân, lungthungna ki nei no’n chu ite ni no ning.

JOHANA 11:51

Kha kha ama lungrîl puak suaka a insîr ni mah; kha kuma khan Ochai inlaltak a nia, an nam irthûla Jisua thi hrang a lei insîr a ni.

MATHAIA 7:22

Kha nikhuaa khan mi tamtakin, ‘Rengpa, Rengpa! Ni’rhmingin thu kin insîra, ni’rhmingin ramilhlihai kin inhnot suak ngai, ni’rhmingin sinirkhêlhai kin itho ngai loi ma ni?’ la ti an ti.

THUVÂRHAI 21:1

Reng lungrîl chu Rengpa’n a zêka; tui luangna iva korong a isiam angin a nuamna tiang tak an kôitir ngai.

NAMBAR 23:5

Rengpa’n Balaama bâia thusuak chu a hrêa, Balaka kuang kîr nôkin lân, van hril ro, a tia.

1 SAMUELA 10:6

Khanchu Rengpa irtha ni chunga zuang chum a ta, nang khom an thuhrilna khan kop sa ni ta, nang khom mi dang chang ta ni ti.

1 SAMUELA 10:12

Khanchu a omna khuaa mi inkhatin a dona, “An pa chu tu mo a ini ual?,” a tia. Khasikin, “Saula khom deipu a ini tâk ma ni?” ti chu tufiam thôna takin an hmang tâka.

1 SAMUELA 18:10

Khan, zîng nôka chu Saula chunga khan Pathian itîr ramilhli a hong tunga, insûnga khan invêt angin a chiar suat suat ngaia. Davida khan sûn danga a itho ngai ang dênin perkhuang a suka; Saula khan ufei a’rlên chiana.

1 SAMUELA 19:18

Khan Davida kha a rota a zôk tâka. Ramah khuaa Samuela kuang a fea, a chunga Saula thil tho murdi a hrila. Kha hnung chu ama le Samuela kha an fea. Naioth khan an om tâka.

1 SAMUELA 19:22

Kha hnung chu ama khom kha Ramah khuaa khan a va fe sa tâka. Seku hmuna tuikuang irzatak kha a va tunga, Samuela le Davida hi kho tiang mo an iom, a tia.