1 SAMUELA 18:6 - PATHIAN LEKHABU IRTHIANG C.L. Bible (BSI)

⁶ Davida kha Goliatha a that zoia a hong kîr nôka, a sipaihai leh insûng tiang an honga khan, Israel nupang kho tina hla sakhaiin lâm pumin khuangte le têngrephai sukin râifân takin rêng Saula irhmupui hrangin an hong suaka.

1 SAMUELA 18:6 ပူးပေါင်းရင်းမြစ်များ

ROIRÊLTUHAI 11:34

Jeftha chu Mizpa khua a ina a fe nôka. Irngai ta, ama lôm hrangin a nâinu chu khuangtehai leh a lei lâm suaka. Ama chu a nâi neisun a ni, nâipasal mani nâinupang mani nâi dang rêng rêng nei mah.

FESUAKNA 15:20

Khanchu deipu Miriami, Arona farnu khan khuangte a kut leh a lâka, nupang murdi’n khuangte chôia lâmpuiin an zuia.

INPÂKNA HLAHAI 68:25

Dôngmate khuang suktuhai laia khan, Hla saktuhai an fe masaa, irhaihoi tumtuhai khan an zuia,

FESUAKNA 15:21

Miriami’n, anni hrang hla a sak pehaia: “Rengpa chu inpâkin hla sak roi, ama khan inhnêna roiinpui takin an hnê tâk sikin; sakor le a chunga chuang murdi’n tuipuia an pai lût tâka.

1 SAMUELA 18:5

Saula’n a itîrna hmun tina Davida chu a fea, hlo a chuk maia; khanchu Saula khan a sipai hruaitu ni hrangin a siama, ama kha Saula mi lianhai le mi murdi irngai dâna khom a sa an iti ok a ni.

2 SAMUELA 1:20

Gath khuaa khan insîr no unglân, Askelon kotsuahai khan inpuang no roi; khano’nchu Filistia nâinuhai lôm an ta, sertan loi nâinuhai raifânin pâi an ti.

2 SAMUELA 6:5

Davida le Israel mihai khan an hrâtna murdi le hlasaka lâm pumin Rengpa an chôiindôma, irhâihoi chi tinrêng perkhuang hai, belem hai, khuang hai leh rosem hai, dâr irbu hai sukin an oma.

INPÂKNA HLAHAI 68:11

Rengpa’n thu a pêka, Thurchi hriltu nupang tamtakin an hrilin dara,

INPÂKNA HLAHAI 149:3

Ama irhming chu lâm pumin inpâk sianlân; Khuang le perkhuanghaiin ama inpâkin zâi ri sehai.

ISAIA 30:32

Irngam viat loiin Rengpa’n hruaihai a ta, Assuria vîk murdihai chu a mihai irbukin perkhuang le’rfûktir an ti. Assuria chunga a kut thâk hrang a ni.