1 SAMUELA 18:5 - PATHIAN LEKHABU IRTHIANG C.L. Bible (BSI)

⁵ Saula’n a itîrna hmun tina Davida chu a fea, hlo a chuk maia; khanchu Saula khan a sipai hruaitu ni hrangin a siama, ama kha Saula mi lianhai le mi murdi irngai dâna khom a sa an iti ok a ni.

1 SAMUELA 18:5 ပူးပေါင်းရင်းမြစ်များ

IRPHUTNA 39:23

Rengpa chu Josefa kuanga a oma, a sintho murdi Rengpa’n hlo an chuktir pe sikin; intângna in enkoltu khan Josefa kuta thil om kha ite a nangna om pe ta maka.

2 SAMUELA 5:10

Rengpa itinrêng sin thei Pathian kha a kuang a om mai sikin, Davida chu a hong iroiinpui u ual a ni ta.

2 SAMUELA 5:2

Zoro lei fe tâka khan Saula chu ei chunga an lal lai khom khan irdoina buala Israelhai hruai ngaitu a ni; Rengpa khan ni kuang, ‘Ki mi Israelhai hruai ni ta, an chunga hruaituin om ni ti,’ a iti a ni,” an tia.

2 THURCHI SUINA 17:3

An lal phut laia a pa itho ang khan Jehosafata khomin a thoa, Baal biak nuam maka. Rengpa’n sat a vura.

INPÂKNA HLAHAI 1:3

Anni chu vadung kôla thing phun, A zoro taka ra insua ngai, A hnâhai khom thêm ngailoi ang kha a ni, An sinna kipa hlochuk mai an ti.

INPÂKNA HLAHAI 101:2

Lampui sa irkipa khan vâr takin om ki ta: O itika mo ki kuang ni izuang hrang? Ki in sûnga milung sa famirkip irputin om ki ti:

MATHAIA 10:16

“Irngai u ta! Inê kâra belra lût angin nangni ki itîr a ni. Mirûl anga vârin, vasu anga nunirnêmin om roi.

TÎRTÔNHAI SINTHO 7:10

intak a ituang murdi ata kha a sansuak zêl a ni. Aigupta rama rêng Faroa mit hmua mi vâr tak le inditom tak an nitira; Faroa khan Aigupta ram le a sûngkuahai chunga hruaitua a siam tâka.

EFESI 5:17

Khasikin, invêt takin om no unglân, Rengpa nuamlam i mani tih inhriat tum ual roi.

KOLOSA 4:5

Iamloihai ata vâr takin om unglân, nin zoro kha hmang insa roi.

ROIRÊLTUHAI 1:19

Rengpa’n Juda irchihai chu a ompuia, tâng rama omhai chu a inhnotsuaka; tâng phâia omhai rêk chu sakor thîrtali an neia, Juda irchihaiin inhnotsuak thei mahai.

1 SAMUELA 13:2

Saula khan Israelhai laia mi sângthum an thanghaia; sânghnihai kha Mikmas-a le Bethel tânga ama kuang an oma, sângkhat kha Benjamina rama Gibe khuaa Jonathana kuang an oma. A danghai chu an in omna chita an fea.

1 SAMUELA 14:52

Saula dam sûng kârka chu Filistia mihai leh a satêrengin an irdoi mai ngaia, khasika khan Saula’n mi hrât le mi hâi a ihmu murdi chu, ama sipai hrangin a ilâklût ngai a ni.

1 SAMUELA 18:16

Khannisianlân, Israelhai le Judahai murdi khan Davida chu an irngaiirsâng ual tâka, hruaitu hlochuk tak a ni sikin.

1 SAMUELA 18:30

Khaang khan Filistia sipaihai kha hong irthok suakin, an hong doihai ngaia. Khannisianlân, an irdoi rikipa Davida chu Saula mi lian danghai murdi nêkin hlo a chuk ual ngaia. Khasika khan Davida irhming chu a hong inthang tâka.

1 SAMUELA 18:4

Khanchu Jonathana khan a songkolirfual a innghâk lai kha a kheka, Davida a pêka, a râltukfam le a khandai le a kongkhithai khom a pêka.

1 SAMUELA 18:6

Davida kha Goliatha a that zoia a hong kîr nôka, a sipaihai leh insûng tiang an honga khan, Israel nupang kho tina hla sakhaiin lâm pumin khuangte le têngrephai sukin râifân takin rêng Saula irhmupui hrangin an hong suaka.

1 SAMUELA 3:19

Samuela chu a hong irsôn tîr tîra, a kuang Rengpa a om maia. Samuela chongbâi suak tinrêng chu thudikin a siama.