1 SAMUELA 18:25 - PATHIAN LEKHABU IRTHIANG C.L. Bible (BSI)

²⁵ Khanchu Saula khan anni kha Davida kuang, “Reng khan a râlhai phuba lâkna’n Filistia mihai an servun irzakhat ti no chu a man ite la no ni,” va ti hrangin thu a pêka. (Khaang khan Saula khan Davida chu Filistia mihai kuta that hranga a insâp a ni.)

1 SAMUELA 18:25 ပူးပေါင်းရင်းမြစ်များ

1 SAMUELA 18:17

Kha hnung chu Saula khan Davida kuang, “Irngai ro, ki nâinu ulian ual Merabi hi dôngma’n nang inluatir ki ti, sipai hâitak le iamom takin ni thop khakin lân; Rengpa irdoinahai chu doi mai ro,” a tia. (Saula khan, keima’n a chunga kut thâk viat loiin Filistia mihaiin a chunga kut thâk tong ri se, ti a ingaitua a ni.)

1 SAMUELA 14:24

Kha ni sûn khan chu Israel mihai chu châmsôl an irveia a sân an irzala. Saula khan, “Ki râlhai chunga phuba ki lâk mâka mi tukhom a vuan hin fâk zongtu chu vânnisalin om ri se,” itia khomâk irsâmin mipuihai thu ngar tak a pêkhai sikin. Mi tûte khom kha ni sûn chu ite fâk reng zong viat mahaia.

IRPHUTNA 34:12

Man le tui thilpêk chu nin inuam dôr ti roi nangni pe zel ki ti, i khom nisianlân nin farnu vai dôngma’n nin luatir ngêt roi,” a tia.

1 SAMUELA 17:36

Kâmkeibaknei le savom ki thathai suam thei ngaia, kha sertan loi Filistia mi, Pathian hring sipaihai hong saraitu kha lo pol chit ki ti.

1 SAMUELA 17:26

Khanchu Davida khan a kôla ngîrhai kha ar donhaia, “Hi Filistia mi hi that theia, Israelhai irhming siatna inboitirtu kha imo an ipêk hrang? Hi sertan loi Filistia mi hi tu ngân mo a ini, Pathian hring sipaihai a isarai ngân hi?,” a tia.

JOSUA 5:3

Josua’n meilung chemte a siama, Israelhai chu Gebeat-ha-arat hmuna khan an ser a tan pehaia.

IRPHUTNA 29:18

Khan Jakoba’n Rakili hi an dit uala. Khanchu, “Ni nâi nâipangnu Rakili hi a lua ki nuam sikin kum sari ni sinthoin samâk chang ki ti,” a tia.

1 SAMUELA 18:24

Saula mi lianhai khan, Davida chonghai kha an insîr pea.

2 SAMUELA 3:14

Davida khan Saula nâipa Isbosetha kuang khan, “Filistia mihai servun irzakhata ki irchôk ki dôngma Mikali kha ni hong pe ro,” tiin mi a tîra.

1 SAMUELA 19:1

Saula khan a nâipa Jonathana le a mi lianhai murdi’n Davida that hrangin hê a bêa, khannisian Jonathana khan Davida kha arngaiinnat tak taka.