1 SAMUELA 18:22 - PATHIAN LEKHABU IRTHIANG C.L. Bible (BSI)

²² Kha hnung chu Saula khan a mi lianhai kha dâihrekin Davida kha chongpuia, a kuang, “Reng chu ni chunga hin a lôm oka, a mi lianhai murdi khomin nang an irngaisânga; atûn hin rêng mâkpa ni ta hrangin a isa a ni,” ti hrangin thu a pêka.

1 SAMUELA 18:22 ပူးပေါင်းရင်းမြစ်များ

INPÂKNA HLAHAI 55:21

A bâi chu sahriak angin a tora, A milung chu irdoina a nia: A thuhai chu sahriak nêkin ar nâla, Khannisianlân khandai phôisaihai a ni.

THUVÂRHAI 29:12

Ram hruaitu’n milak thu a’rngaiinna’n chu a sinthotuhai murdi an sual ngai.

1 SAMUELA 18:21

Saula khan a lungrîlin, “A khitna hranga châng a ni theina hrangin le, Filistia mihaiin a chunga kut an thâk theina hrangin, Mikali hi chu Davida inluatir hi rong,” a tia. Khanchu Saula khan voihnina khan Davida kuang, “A vuan hin ki mâkpa ni ichang hrang a ni,” a tia.

1 SAMUELA 18:23

Khanchu kha thu kha Davida mikuar inhriata khan an insîra. Khanchu Davida khan, “Mi inriang le tûte inhre loi keima anga hin rêng mâkpa ni hrang hi an dôk nin isôn ma ni?,” a tia.