1 SAMUELA 18:21 - PATHIAN LEKHABU IRTHIANG C.L. Bible (BSI)

²¹ Saula khan a lungrîlin, “A khitna hranga châng a ni theina hrangin le, Filistia mihaiin a chunga kut an thâk theina hrangin, Mikali hi chu Davida inluatir hi rong,” a tia. Khanchu Saula khan voihnina khan Davida kuang, “A vuan hin ki mâkpa ni ichang hrang a ni,” a tia.

1 SAMUELA 18:21 ပူးပေါင်းရင်းမြစ်များ

1 SAMUELA 18:17

Kha hnung chu Saula khan Davida kuang, “Irngai ro, ki nâinu ulian ual Merabi hi dôngma’n nang inluatir ki ti, sipai hâitak le iamom takin ni thop khakin lân; Rengpa irdoinahai chu doi mai ro,” a tia. (Saula khan, keima’n a chunga kut thâk viat loiin Filistia mihaiin a chunga kut thâk tong ri se, ti a ingaitua a ni.)

JEREMIA 9:8

An mileihai chu thal tûr nei hrât tak ang a nia; Itiklai khomin thudik loi an hril ngai. Tu mi khomin a tualbômhai kuang chu chonghoi a thoa, an rîl tâk khomin, ama ta hrangin chong a ikam pe a ni.

1 SAMUELA 18:26

Saula mi lianhai khan, kha thu kha Davida an hong hrilin chu, rêng mâkpa a hong ini hrang kha Davida hin a lôm oka. Irnei hrang nî sûn an ikhit kha a hong phâk mân khan,

FESUAKNA 10:7

Faroa siahlohaiin, a kuang khan, “Hi mipa hi i dôr ten mo ei ta hranga chakal ni sak a ini tâk? An Pathian Rengpa sin an tho pe theina hrangin a mihai chu infetir pehai ta ro ba; Aigupta ram hi a insiat zoi hrang a ni, ti hi ni la inhriat mai loi ma ni?” an tia.

JEREMIA 5:26

Ki mihai laia mi sual an om; vatehai chel hranga lên pharhai angin ki mihai irdîpin an enhai ngai, an chângkama khit theina hrangin.

THUVÂRHAI 29:5

A rualhai inpâk pai pai tum chu ama in-ôkna hranga châng kam a ni.

INPÂKNA HLAHAI 38:12

Ki hringna inboi tuma zongtuhaiin chu nin ôktirna hrangin châng an kam ngaia; Ki siatna hrang zongtuhai khom khan thu saloi takhai an insîr ngaia, Sûn sôtin huangna thuhai an ngaitua ngai.

1 SAMUELA 18:22

Kha hnung chu Saula khan a mi lianhai kha dâihrekin Davida kha chongpuia, a kuang, “Reng chu ni chunga hin a lôm oka, a mi lianhai murdi khomin nang an irngaisânga; atûn hin rêng mâkpa ni ta hrangin a isa a ni,” ti hrangin thu a pêka.