1 SAMUELA 18:17 - PATHIAN LEKHABU IRTHIANG C.L. Bible (BSI)

¹⁷ Kha hnung chu Saula khan Davida kuang, “Irngai ro, ki nâinu ulian ual Merabi hi dôngma’n nang inluatir ki ti, sipai hâitak le iamom takin ni thop khakin lân; Rengpa irdoinahai chu doi mai ro,” a tia. (Saula khan, keima’n a chunga kut thâk viat loiin Filistia mihaiin a chunga kut thâk tong ri se, ti a ingaitua a ni.)

1 SAMUELA 18:17 ပူးပေါင်းရင်းမြစ်များ

1 SAMUELA 25:28

Nang a zuinu tho’nchâina hi irngaihoi takin inza roh. Rengpa khan insûngkua det takin nan dingtir ngêt a ti. Rengpa irdoinahai ni doipui sikin, ni dam sûng kârka chu nangma hin sualna hmu hrang om no ni.

1 SAMUELA 18:25

Khanchu Saula khan anni kha Davida kuang, “Reng khan a râlhai phuba lâkna’n Filistia mihai an servun irzakhat ti no chu a man ite la no ni,” va ti hrangin thu a pêka. (Khaang khan Saula khan Davida chu Filistia mihai kuta that hranga a insâp a ni.)

1 SAMUELA 17:25

Israel mihai khan, “Kha mihriam hong suak kha nin hmu mo? Israel mihai sarai hrang ngêta hong suak a ni. Tukhomin kha mi kha a that theitu chu rêngin lômman satakin satvur a ta, a nâinu kha dôngma’n inneitir a ta, khanchu a pa insûngkua kha Israelhai laia hin khâzana khom chôi ni no ni,” an tia.

1 SAMUELA 18:21

Saula khan a lungrîlin, “A khitna hranga châng a ni theina hrangin le, Filistia mihaiin a chunga kut an thâk theina hrangin, Mikali hi chu Davida inluatir hi rong,” a tia. Khanchu Saula khan voihnina khan Davida kuang, “A vuan hin ki mâkpa ni ichang hrang a ni,” a tia.

1 SAMUELA 17:47

Khanchu hitaka ar bûmhai murdi’n Rengpa khan a mihai saninzôkna hrang khandai le ufeihai ite nang mah ti hmu infel an ti. Irdoina chu Rengpa irdoina a nia, ama’n nangnihai hi ki kuta a ni ipêk hrang a ni,” a tia.

INPÂKNA HLAHAI 55:21

A bâi chu sahriak angin a tora, A milung chu irdoina a nia: A thuhai chu sahriak nêkin ar nâla, Khannisianlân khandai phôisaihai a ni.

INPÂKNA HLAHAI 12:2

Mi tinin an bômhai kuang thu ite ni loi mai mai an insîr ngai: Mi inpâk pai pai hmûr le huangna milung irputin thu an insîr ngai.

2 SAMUELA 12:9

Itho mo ki thupêkhai zôm loia, hi thil saloi tak hi ni itho tâk? Hit mi Uria kha irdoina hmuna nin thattirhaia, Amon irchihai nin thattirhaia, khanchu a dôngma kha ni luapai pea.

2 SAMUELA 11:15

A lekhathona khan, “Uria kha râl ichiomna tiang taka maton insatir unglân, an thata a thi theina hrangin a bing ualin om ri se,” tiin a’rziaka.

DÂN INHNINA 17:7

Thu’nhretu khan lungin dêng masa an ta, mipuiin dêng thei an ti. Khaang khan nin laia thil saloihai kha nin irthiang infâi hrang a ni.

NAMBAR 32:29

“Khan Gada le Reubena panamhaiin Jordan irkânin Rengpa thupêkna hnuaia irdoina siamin anni zâra ram nin lâka ni’n chu, Gilead ram chu an irchon hrangin pehai roi.

NAMBAR 32:27

khannisian keini chu kin rêngin Rengpa thupêkna hnuaia irdoia fe hrangin irsiam diamin om kin ta, Jordan râl kâiin ni iti lam ang takin doihai kin ti,” an tia.

NAMBAR 32:20

Mosia’n an kuang, “Nin thuhril kha a diktaka nin ihril a ni’n chu, Rengpa makunga irdoia fe hrangin irsiam diam roi.

NAMBAR 21:14

Khasikin Rengpa irdoina lekhabua, “Sufa irhôr Vahep khuaa Arnon irhôrhai,

1 SAMUELA 14:49

Saula nâipasalhai chu, Jonathana, Isvia le Malkisua hai an ni. A nâinupang ulian ualnu chu Merabi a nia, nâipang ualnu chu Mikali a ni.

1 SAMUELA 17:36

Kâmkeibaknei le savom ki thathai suam thei ngaia, kha sertan loi Filistia mi, Pathian hring sipaihai hong saraitu kha lo pol chit ki ti.

1 SAMUELA 18:27

Davida le a mihai kha an fesuaka, Filistia mihai irzahni an va thathaia. Khanchu, Davida khan an servun a hong chôia, khanchu rêng mâkpa a ni theina hrangin rêng kha irkip takin a pêka. Khanchu Saula khan, a nâinu Mikali chu dôngma’n anneitir tâka.

1 SAMUELA 30:26

Davida khan Ziklag khua a tungin chu, râllâk thil senkhat kha Juda hruaitu, a rualhai kuang a thona, “Hi hi, Rengpa râlhai ata râllâk, lômman hrangin nangni ki ithon a ni,” a tia.

2 SAMUELA 6:16

Khan, Rengpa Thuthung Bôm kha Davida khopuia hong chôi inlût a ni lai khan Saula nâinu Mikali khan tukvera irthokin a lei thîra, Rengpa makunga Davida irchôm le lâm kha a hmuin chu, a hmusit lungrîl tâka.

THUVÂRHAI 26:24

Vârirletin chu mi a hnôlna kha chongbâi thumin a thup ngai.

THUVÂRHAI 26:25

Thu sa okin inlang khomsian iam no ro, a lungrîl chu hnôlna sip a ni.

THUVÂRHAI 26:26

A hnôlna chu huangna’n thup thei khom sianlân, a siatna chu vântâng inhriata inlang la ni a ti.