1 SAMUELA 18:16 - PATHIAN LEKHABU IRTHIANG C.L. Bible (BSI)

¹⁶ Khannisianlân, Israelhai le Judahai murdi khan Davida chu an irngaiirsâng ual tâka, hruaitu hlochuk tak a ni sikin.

1 SAMUELA 18:16 ပူးပေါင်းရင်းမြစ်များ

2 SAMUELA 5:2

Zoro lei fe tâka khan Saula chu ei chunga an lal lai khom khan irdoina buala Israelhai hruai ngaitu a ni; Rengpa khan ni kuang, ‘Ki mi Israelhai hruai ni ta, an chunga hruaituin om ni ti,’ a iti a ni,” an tia.

1 RÊNGHAI 3:7

Atûn hin, o Rengpa ki Pathian, ni siahlo hi ka pa Davida irthûlin nin laltira, kei lak nâipang ki nia, ki tho hrang tum khom inhre zoi loiin ki oma.

ESTHERI 10:3

Mordekaia chu rêng Ahasuera irthûla om a ni. A mi Juda ulianhai khomin an irngai inhlua, an irngaisâng tak tak a ni. A mihai insana hrangin sin a thoa, an irchihai khom irtharngam taka an om theina hrangin lampui a zong pehai zôi zela.

NAMBAR 27:17

Rengpa mipuihai chu a hrungtu nei loi belra anga an om loina hrangin, an makunga suak le lûta, anni hruaisuaka hruai inlûttu hrangin,” a tia.

LUKA 19:48

Khannisianlân, mipuihaiin a thu irngai an hnông thei no sikin, a tho lam dân an inhriat theiloi a ni.

LUKA 20:19

Kha lai khan Dân irchutirtuhai le Ochai inlalhai khan, kha chongirkhek thu kha anni demin a insîr ti an inhriat sikin, chel zôi zel an nuama, aniachu vântâng an chihaia.

1 SAMUELA 18:13

Khanchu Saula khan a kuang ata Davida kha a thonpaia, a sipai sângkhathai chunga hruaitu ni hrangin a siama. Khan, Davida chu sipai hruaiin a lûtin a suaka.

1 SAMUELA 18:15

Saula khan Davida hlochuk lam kha a hmu’n chu, a chi ual tâka.

1 SAMUELA 18:5

Saula’n a itîrna hmun tina Davida chu a fea, hlo a chuk maia; khanchu Saula khan a sipai hruaitu ni hrangin a siama, ama kha Saula mi lianhai le mi murdi irngai dâna khom a sa an iti ok a ni.