1 SAMUELA 17:52 - PATHIAN LEKHABU IRTHIANG C.L. Bible (BSI)

⁵² Israel mi le Juda mihai kha an thoia, huaizâm an thoa, Filistia mihai chu Gath dênin le Ekron kul dênin an irzûlhai ta. Filistia mi popliamhai kha Saraim lam tuanin Gath le Ekron dênin an dalh phôta.

1 SAMUELA 17:52 ပူးပေါင်းရင်းမြစ်များ

2 SAMUELA 23:10

Khannisian ama chu a om chiana, Filistia mihai kha a kut a khama khandai khom intha thei loi rakin a thata. Kha ni khan Rengpa’n inhnêna roiinpui tak an tungtir pea. Kha irzoiin chu Israel mihai kha Eleazara omna an hong kîr nôka, mithihai hriamhrei kha an hong ilâkpai a ni.

1 RÊNGHAI 20:21

Israel rêngin a va pana, sakor le tâlihai chu a doia, Suria mihai chu a thathai oka.

JOSUA 15:11

Ekron khua hmâr tianga tâng dung a zuia, Sikeron tiang an infetira, Baala tâng khêlin Jamnia khua a dêna, kha rengata Mediteranean tuipuia a monga.

ROIRÊLTUHAI 7:23

Khan, Naftalia irchihai, Asera irchihai le Manasea irchihai Jordan nisua tiang le nitâk tianga omhai chu an koi bukhaia, Midian-hai an inhnotsuakhaia.

1 SAMUELA 17:53

Israel mihaiin Filistia mihai irzûl an hong kîr nôka, an riakbuk an inmok pehai chita.

1 SAMUELA 5:10

Khanchu Thuthung Bôm kha Filistia-hai khuaa ngêt, Ekron-a khan an thon nôka, khannisianlân kha khua kha a va tungin chu Ekron kho mihai khan, “Israelhai Pathian Thuthung Bôm kha eini le ei nâihai ni thatna hrang pialin an hong ichôi a ni,” tiin an khêk nôk sup supa.

1 SAMUELA 5:8

Khanchu Filistia rêng ringahai kha an koibukhaia, “Israelhai Pathian Thuthung Bôm kha imo kin ilo hrang?,” an tia. Anni khan, “Gath khuaa va thak roi,” an tia. Khanchu Israelhai Pathian Thuthung Bôm kha Filistia khuaa ngêt Gath khuaa khan an va thak tâka.