1 SAMUELA 17:34 - PATHIAN LEKHABU IRTHIANG C.L. Bible (BSI)

³⁴ Davida khan Saula kuang khan, “Ni suak hin ka pa kêlbelra ki enkol ngaia; kâmkeibaknei hai, savom hai an honga kêlbelra laia kêltehai an that tumhai hin,

1 SAMUELA 17:34 ပူးပေါင်းရင်းမြစ်များ

IRPHUTNA 31:39

ramsa ithohai lua nang hril nuam loiin; keiin ki ta leh kêng ki irthûltir ngai, sûna mo zâna mo irhmang chu tuam hrang ni ni, ni ti ngai sikin.

2 SAMUELA 17:8

Ni pa le a mihai kha nin hriata, sipai hâitak inthang, milung ngar tak, rama savom a tê lâkpai thei ang dôra hâi a nia. Ni pa kha irdoi mi a nia, mipui laia a riak ti khom inhre mak mea.

2 SAMUELA 23:20

Kabzeel mi Jehoiada nâipa Benaia kha sipai hâitak inkhat chu a ni saa. Ama khan thil ichiom tamtak chu a thoa, Moab mihai râlpa inthang inhni a ithathai a ni. Voikhat chu ivur tâk zoro lai takin khurpuia a fea, kâmkeibaknei a zu thata.

1 THURCHI SUINA 11:22

Kabzael khuaa pasal sa; Jehoiada nâipa Benaia khomin thil irkhêl tak a thoa. Moab isong takhai mi lian inhni a thathaia, ivur tâk lai takin kâmkeibaknei a khura a that sa a ni.

INPÂKNA HLAHAI 143:5

Tianlai sûnhai chu ki sût ngaia.

EZEKIELA 34:12

Belrapu’n a belra irthekindarhai bukkhôma a idonsui nôkhai angin donsuihai ta ki ti. Kha inthim le sûm zîng nia an inthekindarna hmunhai ata kha hruai kîrhai nôk ki ti.

AMOSA 3:12

Rengpa khan hiang hin a tia: Belrapu’n kâmkeibaknei bâi ata a belra ke inhni mani, mikuar hlek mani, a isan suak angin, khaang Samari khuaa zâlhmun kila le zâlhmun irlung êk puan irphân lukham chunga Israel nâi omhai kha sansuak a ti.

ZAKARIA 11:16

Ki belrahai donsui hrangin belrapu ki siaa, khannisian belra siat hranga omhai chu changpuihai maka; ar hmanghai khom zong maka, a pop a liamhai khom indamhai maka, a hring sunhai khom infâhai mah. Belrahai laia a marhai hme kha kêng a fâka, an ke mitinhai chu a kaithêr pehai ngai.

ZAKARIA 9:7

Hmê chu a thisen om pumin fa ta ngai no nihaia, thilser fâk hrang danghai khom fa ta no nihai. A hringa la omsunhai chu ki mihai chang an ta, Juda namhai laia panam angin la om an ti. Ekron khom chu Jebus mihai angin ki mihai la hong chang an ti.

LUKA 2:8

Kha rama belrapuhaiin belra an ena, zâna an riak nghaa.

JOHANA 10:11

Kei hi belra enkoltu sa ki ni; belra enkoltu sa’n a belrahai hrangin a hringna a pêk ngai.

ROM KHUAA MIHAI KUANGA TÎRTÔN PAULA LEKHATHON 5:4

dorôina khom khan detna a siama, detna khan sabeina an suaktir ti ei inhriata.

HEBRAI toc2 HEBRAI 11:33

Iamna’n ram pumpui an doia, an inhnêa, thil dik an sina, Pathian chonginkung an donga, kâmkeibaknei bâihai an hîp pea,

THUPHUANG 13:2

Sahrâng ki ihmu kha keiârsi a anga, a kehai chu savom ke a anga, a bâi chu kâmkeibaknei bâi a ang. Dragonin sahrâng kuang khan a sintho theina le a rêngtoihmun le ar chamneina liantak kha a pêk.

ROIRÊLTUHAI 14:6

Irningloiin Rengpa irtha chu a chunga a zuang chum thuta, ite khom chôi maka, kêlte ang takin an pot indi chita, khannisianlân, a sintho kha a nu le a pa chu inhrilhai viat mah.

1 SAMUELA 17:15

Davida chu Saula kuang ata Bethlehem-a a pa kêlbelra enkolin a va fe ngaia.

1 SAMUELA 17:33

Saula’n Davida kuang, “Nangma’n chu Filistia mihai so la doi thei no chi ni, ni la nâiinpang hraia. Ama kha chu a thoibop ata irdoi mi a lei nia,” a tia.

1 SAMUELA 17:35

ki’rzûlhaia, ki’rsualpuihaia, kêltehai kha an bâi sûng ata ki isansuakhai ngai a ni. Kâmkeibaknei le savomhai hin ni sê hrangin an honga an bak mula ki chelhaia ki ithathai ngai a ni.