1 SAMUELA 17:12 - PATHIAN LEKHABU IRTHIANG C.L. Bible (BSI)

¹² Khan, Davida chu Jesaia nâipa a nia, Judai ram Bethlehem-a Efrata mi a nia, Jesaia’n nâipasal kiriat a neia; ama chu Saula inlal lai khan a lei tar ok tâka.

1 SAMUELA 17:12 ပူးပေါင်းရင်းမြစ်များ

IRPHUTNA 35:19

Khaangin Rakili chu lampuia Efrat lama an phûma (Efrat chu Bethlehem khua a ni.)

2 SAMUELA 23:1

Jesaia nâipa Davida chu Pathianin mi roiinpuiin a siama, Jakoba Pathianin rêng hrangin an thanga, Israelhai hranga hla satak phuatu a ni. Hihai hi Davida thuhril hnungkhôn tak a ni.

INPÂKNA HLAHAI 132:6

Irngai ta, Bethlehem-a a Thuthung Bôm thurchi ei inhriata, Jearim hmuna ei hmu tâka.

MIKA 5:2

Khannisian nang Bethlehem Efrata, Juda rama sâng tamtakhai laia kopa a sân chîn khomin lân, nangma ata hi Israelhai roirêltu hrang kha ki ta hrangin zuang suak a ta; a zuang suakna kha tianlai ata le kumtuang ata a ni.

MATHAIA 1:6

Jesaia’n rêng Davida a nei. Davida’n Uria dôngma ata Solomona a neia.

MATHAIA 2:1

Heroda inlal laia, Judai rama Bethlehem khuaa Jisua a zuang suakin, irngai ta, nisua tianga mi vârhai Jerusalema an zuanga

MATHAIA 2:6

“Nang, Bethlehem, Judai rama om, Judai ram khopui laia hin chîn ual hliak mak che, Ni sûng ata optu a zuang isuak hrang a ni, ki mi Israelhai hruaitu hrang chu iti hi,” tiin an sâma.

RUTHI 1:2

A’rhming chu Elimelek a nia, a dôngma irhming chu Naomi a ni, a nâipasal hnihai irhming chu Mahlona le Kiliona an ni. Judai ram Bethlehem khuaa Efrata mi an ni. Moab rama khan an fea, kha khan an om mai tâka.

RUTHI 4:17

Khanchu, a tualbôm nupanghaiin, nâite irhming an hong phua tâka, “Naomi’n nâipasal a nei ta,” ti’n a’rhminga Obeda an phuaa; ama chu Davida pu Jesaia pa a hong ni ta.

RUTHI 4:22

Obeda chu Jesaia pa a ni, Jesaia chu Davida pa a ni.

1 SAMUELA 1:1

Efraima tâng rama Ramathaimzofim khuaa hin Efraima nama mi inkhat ar hming Elkana a oma. Ama hi Zufa panama mi, Tohua in sûngkuaa mi Elihua nâi Jerohama nâipasal a ni.

1 SAMUELA 16:1

Rengpa khan Samuela kuang, “Israel mihai rêng hranga ki inuam loi tak hnunga Saula sika hin idôra sôt mo irngaiinsiatin ni iom hrang? Ni sial irki sûnga khan sahriak thun insipin lân, Bethlehem-a mi Jesaia kuang khan fe ro; a nâipasalhai laia mi rêng hrangin ki inthang zoi tâk a ni,” a tia.

1 SAMUELA 16:18

A kôla om ruatharte inkhat khan hiang hin a ti pea, “Bethlehem kho mi Jesaia nâipa ki hmu tâka, kha mi kha irhâihoi tum thei tak chu a ni, khakhêla mi hâi le hmêl satak sipai satak le thuhril thei tak a ni, a kuang Rengpa khom a iom a ni,” a tia.

1 SAMUELA 17:11

Khan Saula le Israelhai murdi’n Filistia mi thu’nsîr kha an inhriatin chu irlo’nthingin an chi tâka.

1 SAMUELA 17:58

Khan, Saula khan a kuang, “Ruatharte tu nâi mo ni ini?,” a tia. Davida khan, “Bethlehem mi, ni suak Jesaia nâipa ki ni,” a tia.