1 SAMUELA 16:7 - PATHIAN LEKHABU IRTHIANG C.L. Bible (BSI)

⁷ Khannisianlân Rengpa khan Samuela kuang, “A hmêl satna mani, a dung sei dân mani, en no ro. Ama hi chu ki inuam loi a ni. Keima’n chu mihriam en dân angin ki ien loi a ni. Mihriamin chu pên tianga inlang an en ngaia. Rengpa’n chu lungrîl a ien ngai a ni,” a tia.

1 SAMUELA 16:7 ပူးပေါင်းရင်းမြစ်များ

JOHANA 7:24

Pên tianga inlang dân ngot enin ngaitua no unglân, a ni dân dik takin ngaitua ual roi,” a tia.

JEREMIA 17:10

Keima Rengpa hin nin irngaituanahai ki suia, Mihriamhai lungrîl ki ifia ngai a ni. Mi tin an innun dân dungzuiin an sintho dungzuiin lômman ki pêk ngai,” a tia.

LUKA 16:15

Jisua’n an kuang, “Mi mit hmu’n mi fel anga inlang mai mai nin ni; khannisian, Pathianin nin lung sûng an hriata. Mihriamhai irngaisâng hi Pathian mit hmu’n intirom a ni.

1 PETERA toc2 1 PETERA 3:4

lungrîl ata mizia dik, lungrîla thuhnuairôl le nunhoi, irbelna siat theiloiin, irbel roi, kha kha Pathian mit hmu’n a ihlu tak tak a ni.

THUVÂRHAI 16:2

Mi, mâni irngaiin a itho murdi a dik a ti thei, khannisian Pathianin chu lungrîl tumna kêng a irkhî ngai.

THUVÂRHAI 31:30

Inditomna hi huangna a nia, hmêl satna khom hi chanlamboi a ni; Rengpa chitu nupang rêk chu inpâkin om a ti.

1 THURCHI SUINA 28:9

Solomona kuang khan, “Nang ki nâipa Solomona, ni pa Pathian hi pomin lân, irzuk tak le dik takin a sin tho’n lân, kin ingaitua le kin itumhai hi an hriat ving a ni. Ama hi ni zong photin chu hmu ngêt ni ti, nir ngaitua no’n chu nang pai zôi a ti.

1 RÊNGHAI 8:39

An chongchaina chu sâmhaiin lân, ngaidamin lân, changpuihai roh. Nangma vaiin kêng mihriam ngaituana sûngrîl inhriat thei. Mi murdi an sintho lam angin rêlhaiin lân,

TÎRTÔNHAI SINTHO 1:24

Kha hnung chu an chongchaia, “Rengpa, nang mihriam murdi lungrîl inhretu, hihai hi a tu khôk hi mo ni inthang nin hriattir roh.

2 THURCHI SUINA 16:9

Rengpa’n ama iamzoi loihai chu changpui hrangin rammual pumpuia a mit a inlêngtir ngai a ni. Atûn ata chu doi hrang nei mai ta ni ti, inzakpuiom takin thil ni itho a ni hi,” a tia.

HEBRAI toc2 HEBRAI 4:13

Pathian hrangin chu ite thil irthup om mah, thilsiam tinrênghai khom a mithmu’n chu inlang pharin ar hong zit ngai a ni. Ama kuang ngei ei sik senga thurchi ei la insîr hrang a ni.

JEREMIA 20:12

A ni, itinrêng sinthei Rengpa nangin dik takin nin hriat ngaia, an lungrîl le ngaituanahai om chu nin hriat hleta. Khaangin ki râlhai chunga phuba ni ilâk chu nir hmutir ro, ki chungthu ni kuta om hlet a ni tâk sikin.

INPÂKNA HLAHAI 139:2

Nangma’n ki toi le ki ngîr nin hriat ngaia; Ki ngaituana hi hlatak ata khom nin hriat thiam ngai.

THUPHUANG 2:23

A zui ngaihai khom kha that pe ki ta, khanchu keima hi lungrîl le ngaituana inhre ngaitu ki nih ti koiindanghai murdi’n inhria an ti. Nin rêngin nin sintho ang sengin nangni pe ki ti.

2 KORINTH 10:10

Mi senkhatin, “Paula lekha thonhai hi a ngarin a naa, khannisian, ei kuang a omin chu a taksa a’rzala, a thuhai khom ite ni mah,” ti an ti.

1 PETERA toc2 1 PETERA 2:4

Rengpa kha pan roi, ama chu Lung hring, mihriamhai ihnôl, Pathian inthang, hlu tak kha a ni.

JOBA 10:4

Taksa mithai chu ni neia, mihriam ihmu angin.

2 SAMUELA 14:25

Israel murdi laia Absaloma ang dôra hmêl sa le inpâk inruk tûte om mahaia. A kemitin ata a lusîp dênin demna zel a iom loi a ni.

1 SAMUELA 9:2

Ama hin nâipasal a neia, ar hming chu Saula a nia, ruatharte hmêl sa le vânglai tak a nia, Israel mihai laia khan ama nêka hmêl sa dang zel om mahaia.

JEREMIA 11:20

Khanchu ki chongchaia, “Itinrêng thothei Rengpa’n nang chu roirêltu fel ni nia, mihai irngaituana le nuamnahai ni fia ngaia. Ki chungchâng thu hi ni kuta ki bâng, khaangin ki mihai chunga phuba ni lâkin chu nir hmu ro,” ki tia.

THUVÂRHAI 15:11

Mithi khua Rengpa’n a hmu zita, mihriam lungrîl len vâng chu hmu’n fel zit a ti na!

INPÂKNA HLAHAI 7:9

O, mi siahai pualoina chu hong mong ta sianlân, mi felhai chu indet roh: Pathian fel tak chu milunghai a fia ngaia.

2 KORINTH 10:7

Thilhai hi a chungphuaa an inlang dân nin ien a ni. Kha khan tu mo khat Krista mia irbe a iom ma ni? A sa, a omin chu, a bingin a chungchâng ngaitua nôk ri se, ama a ini ang takin keini khom Krista ta kin ni sikin.

JOHANA 8:15

Nangni’n chu taksa dânin nin ni hrilsiat ngaia, keima’n chu tûte hrilsiat ngai ma ung.

IRPHUTNA 4:5

Kaina le a thilinhlan kha chu lôm maka. Khanchu Kaina chu a sate’n a ning an mur pe tâka, a hmêl kha an khukhak tâka.

1 SAMUELA 2:3

Lârirpâk chong hmang irngam unglân, Ni bâi ata ite irsongna chong suak ta no ri se. Rengpa chu vârna Pathian a nia. Ama’n a nitina nin sintho kha a izêk ngai a ni.

2 SAMUELA 7:20

Davida kuang hin imo la hril infel ual hrang? Ni suak hi ni nin hriat hleta, O Rengpa Pathian.

2 THURCHI SUINA 6:30

an izong kha inhren lân, irvân ata le’rngaiin lân, ngaidamhai ro, nangma vai hin mihriam sûngrîl ngaituana ni hmu theia,

THUVÂRHAI 24:12

“Kei chu ite inhre ma ung” ni ti thei, Pathianin chu ni lungrîl tumna an hriata, a ivarh mai kêng. Nang a thîr chiana; nang an hriat zit. Ni sintho lam ang takin nang thuan nôk a ti.

1 THURCHI SUINA 17:18

Imo nang ki la izong ual hrang? Ni siahlo hi ni nin hriat suak ving a ni.

JOBA 35:5

Irvân tiang tangin lân, sûmhai khi thîr ro, Nangma nêkin an irsâng ual a ni.