1 SAMUELA 16:14 - PATHIAN LEKHABU IRTHIANG C.L. Bible (BSI)

¹⁴ Rengpa irtha khan Saula kha a mâksana, Rengpa itîr ramilhli khan an buaitir ngaia.

1 SAMUELA 16:14 ပူးပေါင်းရင်းမြစ်များ

2 SAMUELA 7:15

Nikhomsianlân, rêng ni chang theina hrangin Saula ki ikhâi irhmang kuang ata lungkhamna ki ilâkpai pe ang khan ama chu masan ual no ning.

1 RÊNGHAI 22:19

Mikaia’n a hril maia, “Rengpa thu hi irngai sabak ro, irvâna rêngtoihmuna Rengpa toi lai ki hmua; vântîrtônhaiin an irhuala.

1 RÊNGHAI 22:22

Rengpa’n, “Itin mo ni ihuang hrang,?” a tia. Irtha khan, “Zu fe ki ta, Ahaba deipuhai laia minlak tho pehai ki ti,” a tia. Rengpa’n “Fe’n lân, zu huanghai ro, hlo hong chuk ni ti,” a tia.

INPÂKNA HLAHAI 51:11

Ni kuang ata ni pai irhmang no’n lân; Ni’rtha irthiang hi ni lâkpai pe no ro.

HOSEA 9:12

An nâihai puihling khomhai sian pasal reng om loi hrangin insûntir ngêt ki ti. A ni, anni kha ki’rheisan tika chu, an chung kha rik ual a ti.

ROIRÊLTUHAI 16:20

Delili’n, “Samsona, Filistia mihaiin nang an hong idoi hrang a ni,” a tia. A inmu chu a hong hara, “Matona ang khan hrât ki ta, zôkpat ta no ning mo,” a tia. Rengpa’n a mâksan tâk ti inhre mah.

ROIRÊLTUHAI 16:29

Khan, Samsona’n, kha a irhnêlna chopui inhni chu a bân chang tiang le vei tiang an kuaa. sirsanin a hmanga.

ROIRÊLTUHAI 9:23

Abimeleka le Sekem mihai chu Pathianin a’rdoitirhaia, Sekem mihaiin Abimeleka chu vârirlek takin an doi tâka.

1 SAMUELA 11:6

Kha thurchihai kha an hriat infel tena chu, Saula chunga khan Pathian irtha a satêrengin a zuang chuma, a ning a sate’n an mur pe tâka.

1 SAMUELA 16:15

Saula zuituhai khan a kuang, “Irngai ro, Pathianin nang inbuai hrangin ramilhli a zuang itîr a ni.

1 SAMUELA 16:16

Khasikin ka pu thu ni pe’n lân, perkhuang suk thei tak zong kin ti. Khanchu ramilhli’n nang a chel rikipa, kha mi khan perkhuang suk a ta, hong dam nôk zôi ni ti,” an tia.

1 SAMUELA 16:23

Khaang khan Saula chu ramilhli’n a chel rikipin, Pathian itîr Davida khan perkhuang a lâka a suk pea. Khanchu ramilhli’n a mâk ngaia. Saula chu a hong hara, a hong idam nôk ngai a ni.

1 SAMUELA 18:10

Khan, zîng nôka chu Saula chunga khan Pathian itîr ramilhli a hong tunga, insûnga khan invêt angin a chiar suat suat ngaia. Davida khan sûn danga a itho ngai ang dênin perkhuang a suka; Saula khan ufei a’rlên chiana.

1 SAMUELA 18:12

Davida kuang khan Rengpa a om pe sikin le Saula a mâk tâk sikin Saula khan Davida kha a chia.

1 SAMUELA 28:15

Samuela khan Saula kuang, “Itho mo hianga ni ni inbuai? Itho mo zuang nôk hrangin ni ni dona?,” a tia. Saula khan, “Ki milung a zîng tak taka. Filistia mihaiin an ni doia, Pathian lakin hnung a ni songsana, deipu’n mani, irmangin mani lua khomin ni sâm maka; khasika khan ki sin hrang nin hril hrangin nang ki ikoi a ni,” a tia.