1 SAMUELA 16:1 - PATHIAN LEKHABU IRTHIANG C.L. Bible (BSI)

¹ Rengpa khan Samuela kuang, “Israel mihai rêng hranga ki inuam loi tak hnunga Saula sika hin idôra sôt mo irngaiinsiatin ni iom hrang? Ni sial irki sûnga khan sahriak thun insipin lân, Bethlehem-a mi Jesaia kuang khan fe ro; a nâipasalhai laia mi rêng hrangin ki inthang zoi tâk a ni,” a tia.

1 SAMUELA 16:1 ပူးပေါင်းရင်းမြစ်များ

1 RÊNGHAI 8:16

Rengpa khan, ki mihai Aigupta ram rengata ki hruaisuak nî ata atûn ten hin Israel khopui kho hmun khom nin ni biakna hrang hmun tempil lan thang ma ung. Davida nangma rêk chu, ki mihai chunga roirêltu hrangin nang kin thang a ni; a iti kha” a tia.

2 RÊNGHAI 9:1

Kha zoroa khan deipu Elisa’n deipu ruatharte nâipang tak hi a koia, “Irsiamin lân, hi sahriak bûr hi chôiin lân, Ramot Gileada va fe roh.

2 RÊNGHAI 9:3

a lu chunga hi oliv hriak hi buak pe’n lân, ‘Rengpa’n Israelhai rêng hrangin sahriak nang a ibuak a ni ta, tin lân. Mikot inhongin lân suakpatin lân, ir-ial ta no ro,’ a tia.

2 RÊNGHAI 9:6

A thoia, in sûnga a lûta, a lua sahriak a buaka, “Israelhai chunga rêng hrangin sahriak nang ki buak ta a ti a ni,” a tia.

1 THURCHI SUINA 11:3

Israel hruaituhai murdi chu Hebron khuaa Davida kuang an fea, Davida’n Rengpa kuang khan an rêngin thu a thungpuihaia, hriak nâlin a oma, Samuela hmangin Rengpa inkung ang khan Israelhai rêng a ni tâka.

1 THURCHI SUINA 28:4

Rengpa Israelhai Pathianin, ki urênghai laia, ki dam sûnga inlal hrangin a nin thang suaka, nam hruaitu Juda irchihai hi a indanghai a ni. Judahai laia chu keini in sûng mi hi a nin thanga, kin in mi laia keima hi a nin dit bîka, Israelhai rêngin a ni siama.

ISAIA 11:1

Thing phûrna bul a hong incher nôk ang hin, Jesaia irchi ata rêng thar hong suak a ti:

ISAIA 11:10

Kha ni tena khan chu Jesaia irchia rêng hong suak kha nam tinhai hranga irsinsiana ni a ta, a omna hong pan an ta, chôiindôm an ti.

ISAIA 55:4

Mihaiin ki roiinpuizia an inhriat theina hrangin, Ama chu nam hruaitu hrangin kin kung ta.

JEREMIA 11:14

Jeremia, hi mihai hi chongchai pehai no ro, an ta hrangin ngên pehai no’n lân, an chunga vânduaina a zuang tung tika ni koihai khom sian, irngai pehai no ning,” a tia.

JEREMIA 15:1

Khanchu Rengpa’n ki kuang, “Mosia le Samuela khom ki makunga, hi mihai hrang hin hong ngîrpuihai khomsian, irngai pehai ual no ning. Anni chu irzûlhai unglân, ki mithmu ata hi om ta no ri sehai.

JEREMIA 6:30

Anni chu lûtna nei loi, thîr êk tia bê ni an ti. Keima Rengpa ngêtin anni chu ki ihnôlhai tâk a ni sikin,” a tia.

JEREMIA 7:16

Rengpa’n “Jeremia, hi mihai ta hrangin chongchai pehai no ro, chap no ro, an irthûlin chongchai no ro, nang an irngai pe ual loi hrang sikin, ni ngên no roh.

ZAKARIA 4:14

Khan, ama khan, “Hi nâipa inhni, hriak nei tâkhai hi, irnêng pumpui Rengpa kôla ngîrhai kha an ni hi,” a tia.

ROM KHUAA MIHAI KUANGA TÎRTÔN PAULA LEKHATHON 15:12

Isaia khomin hiang hin a ti: “Jesaia irzung hong irzâm ata, Jentailhai rêng hrangin hong suak a ti. Ama chunga Jentailhai khan an sabeina kha irnghat an ti,” ti a ni.

HEBRAI toc2 HEBRAI 11:32

Ki la insîr mai hrang mo? Gideona, Baraka, Samsona, Jeptha, Davida, Samuela hai le deipuhai thurchi insîr hrang lakin zoro nei ma ung.

1 JOHANA 5:16

Tukhomin, a urêng, thina dôr ni loi sual tho’n hmu sianlân, ngên pe a ta, Pathianin hringna pe a ti. Hi hi thina dôra sual tho loihai hranga a ni. Khannisian, thina hrang dôr sual a oma, khaanghai ta hrangin ngên pe hrang ti ma ung.

1 SAMUELA 10:1

Khanchu Samuela’n sahriak bûr kha a lâka, Saula lu chunga khan a buaka, a tuma. Rengpa khan, “A mi Israelhai chunga hruaitu ni hranga sahriak nang a inâl mo ni ma?

1 SAMUELA 15:11

“Saula rêng ki lei inchang hi chu ki irsîr a ni; hnung a ni songsana, ki thupêkhai zôm maka,” a tia. Samuela chu a ning an mur pea, zân khovârin Rengpa an sama.

1 SAMUELA 15:23

A chunga sualnahai hi tasân theihai sualna leh hmunkhat a ni, tukulliannahai hi millim biakna leh hmunkhat a ni. Rengpa thupêk ni hnôl tâk sikin ama khomin rêng hrangin nang a inuam loi a ni,” a tia.

1 SAMUELA 15:26

Samuela’n Saula kuang, “Nang fepui viat no ning, Rengpa thupêk ni hnôl tâka. Rengpa khomin Israel rêng ni hrangin nang a inuam ual ta loi a ni,” a tia.

1 SAMUELA 15:35

Khaangin Samuela chu a thi nî dênin Saula chu va’rtongpui nôk ta maka; khannisianlân, Samuela kha Saula sikin beiindong takin a iom tâk a ni. Rengpa khan Israelhai rêng ni hranga Saula a lei iphun kha a irsîr tâk a ni.

1 SAMUELA 16:15

Saula zuituhai khan a kuang, “Irngai ro, Pathianin nang inbuai hrangin ramilhli a zuang itîr a ni.

1 SAMUELA 16:23

Khaang khan Saula chu ramilhli’n a chel rikipin, Pathian itîr Davida khan perkhuang a lâka a suk pea. Khanchu ramilhli’n a mâk ngaia. Saula chu a hong hara, a hong idam nôk ngai a ni.

1 SAMUELA 17:12

Khan, Davida chu Jesaia nâipa a nia, Judai ram Bethlehem-a Efrata mi a nia, Jesaia’n nâipasal kiriat a neia; ama chu Saula inlal lai khan a lei tar ok tâka.

1 SAMUELA 9:16

“Nangtûk hi zoro lai taka hin Benjamina nam ata mi inkhat ni kuang hong tîr hrang ki ni, ki mi Israelhai chunga hruaitu ni hrangin sahriak lei pol ro. Ama khan Filistia mihai kut ata ki mihai inzôk a ti. Ki mihai tuangna kha ki hmu tâka, an khêk irhâi ki kuang a hong itung tâk a ni,” a tia.