1 SAMUELA 15:3 - PATHIAN LEKHABU IRTHIANG C.L. Bible (BSI)

³ Amalek-hai doi hrangin fe’n lân, an thil nei murdi hôi viat loiin thathai ving ro, nupang pasal, nâi irhnu nêk laihai, sechalhai, kêlbelrahai, saringseihai, sakuartunghai; a iti a ni,” a tia.

1 SAMUELA 15:3 ပူးပေါင်းရင်းမြစ်များ

IRPHUTNA 36:12

Khan Timnai chu Esaua nâipa Elifaza ithisan meithâi a ni: ama hin Elifaza chu Ameleka a neipuia: hihai hi Esaua dôngma Adaii irchihai chu an ni.

2 SAMUELA 1:8

Khanchu ki kuang, tu mo ni ini? a ni tia. Keima’n, ‘Amalek mi ki ni,’ ki tia.

FESUAKNA 17:14

Kha hnung chu Rengpa’n Mosia kuanga, “Hi thu hi inhriatmaina hrangin lekhabua irziakin lân, irvân hnuaia hin Amalek-hai an om ti khom inhre ta loi hrangin that irhmanghai ki ti, iti hi Josua khom hril ro,” a tia.

FESUAKNA 20:5

Annihai kha chubai ni imûk hrang khom ni ma, an sin khom ni itho hrang ni mah. Keima Rengpa ni Pathian hi Pathian nunsetak ki nia, a ni hualtuhai chu an irchi khom irlo thum irlo minli dênin an pahai sualna sikin an nâihai deng kin theitir ngai.

NAMBAR 24:20

Khanchu Balaama inlârna khan Amalek mihai a hmua; hi leihrilna thu hi a hrila: “Amalek chu nam tin laia a hrât tak a nia, khannisian a hnungkhôn taka chu kumtuanga hrangin irhmangin om a ti,” a tia.

NAMBAR 31:17

Khasikin nâipang pasal murdi le nupang mi izâlpui tâk kai chu thathai ving roi.

JOSUA 10:39

Khua chu an lâka, an rêng chu an chela; a kôlvêla khuahai khom an lâka. A sûnga om murdi chu a sât thathai zita, Josua’n Debir khua le an rêng chu Libna khua le an rêng chunga a itho ang khan a thoa.

1 SAMUELA 14:48

Hâitakin a doihaia, Amalek mihai khom an hnehaia, Israelhai chu a doituhai kut chung ata a isansuakhai a ni.

1 SAMUELA 15:18

Ama’n nang a tîr suaka, ‘Fe’n lân, Amalek mihai a lei siat tâkhai kha thatpaiin lân, an irhmang zoi mâka chu doihai mai ro,’ nang a tia.

1 SAMUELA 15:9

Khannisianlân Saula le a mihaiin Agaga kha an inzôka kêlbelra satak takhai le sehrâtchal satakhai le, kêlbelrate a sa murdihai khom that mahaia, a sa ok loi an inpâm loihai chu an thatpai vinga.

1 SAMUELA 22:19

Kha bana Saula khan Nob ochai khua kha khandai leh a rûna; nupang pasal nâipang le irhnu nêk lai dênin, sehrâthai, sakuartunghai, kêlbelrahai a rêngin a thatpai vinga.

1 SAMUELA 27:9

Nupang pasal an rêngin an ithathai a nia, kêlbelrahai, sialhai, sakuartunghai, saringseihai, an sil le kaihai an lâk pehaia; khanchu a hong kîr nôka, Akisa kuang a fea.

1 SAMUELA 30:17

Khanchu Davida khan zîng khua a vâr u uai ata khohloi dênin annihai kha a doihaia, ruatharte irzaminli le saringsei chunga chuangin lâizâm thohai bana chu tûte a zôk zel om mahaia.