1 SAMUELA 15:22 - PATHIAN LEKHABU IRTHIANG C.L. Bible (BSI)

²² Samuela’n, “Rengpa khan thuzôm a inuam ang khan hâlirvôm thilinhlanhai le irbôlnahai hi a ilôm ngai ma ni? Irngai ro, irbôlna nêkin thuzôm hi a sa uala, kêlbelrachal satak nêkin, a thuzôm hi a sa ual a ni.

1 SAMUELA 15:22 ပူးပေါင်းရင်းမြစ်များ

IRPHUTNA 4:4

Abela khomin a belra pâl laia a martak le a suak masatak a hong chôia. Khan, Rengpa’n Abela leh a thilinhlan kha a lôma.

FESUAKNA 19:5

Khasikin ki chong nin irngai ta taka, ki thuthung hi nin vong maiin chu, rammuala nam tin laia ki ta hrangin ki’rchon nei thei nin ti: rammual pumpuia chi, nam irthiang ni nin ti, iti hril roh. Hi hi Israelhai laia ni insîr hrang a ni,” a tia.

THUVÂRHAI 21:3

Irbôlna nêkin dikna le felna sin hi Rengpa lôm lam a ni.

THUHRILTU 5:1

Pathian ina ni fe laiin a sân irdîn ro, mi’ntohai irbôlna nêkin chu irchû hranga va fe hi a sa ual: anni chu thil saloi an tho ti inhre mahai.

JEREMIA 11:4

Hi thuthung hi an irchibulhai Aigupta rama thîr hâl inzôitu kuang ata ki hruaisuak nia ki isiamhai an ni. Ki thu zôm hrang le sin hranga thu ki ipêk murdi tho hrangin kin hrila. An zôma ni’n chu ki mihai ni an ta, keima an Pathian ni ki tih ti ki ihril a ni.

JEREMIA 11:7

An irchibulhai Aigupta ata ki hruaisuak nî ata a vuan tena hin, ki thu zôm hrangin ki lei hong ihrilhai an ni.

JEREMIA 26:13

Nin omdân saloihai khan nin thûl ngêt hrang le nin thil thohai khom nin imâksan ngêt hrang a nanga, Rengpa nin Pathian thu nin izôm ngêt hrang a ni. Nin zômin chu hi khopui chunga vânduaina irkhêl tung hranga lunginchongna a inei kha indanglamtir nôk a ti.

HOSEA 6:6

Irbôlna nuam loiin lungkhamna ki nuam a ni; hâlirvôm thil inhlanhai nêkin Pathian inhriatna ki nuam ual a ni.

HOSEA 8:13

Ki ta hranga thil inhlan irbôlnahai chu hmê an inhlana, an fâka; khahai kha Rengpa’n pom mah: khanchu an pualoina an hriat maia, an sual a hrema, anni kha Aigupta rama kîr nôk an ti.

MATHAIA 12:7

Pathian Thubu’n, ‘Irbôlna nuam ma ung, lungkhamna kêng ki inuam,’ a iti hi a omzia nin inhriat infel ni sianlân chu, mi sahai kha thiamno inchang no chin ni;

MATHAIA 23:23

“Nangni Dân irchutirtuhai le Farisai vârirlethaio, nin chung a rik! A zoro taka vâng ngai, podina hai, lêngmiser hai, kumhoi hai sôma inkhat nin pêk ngaia, Dân thua poimo ual, dikna hai, lungkhamna hai; iamomna hai nin ngainêp ngai, khannisian, khahai kha kêng nin itho rua tak chu a ni, a danghai khi ma ual loiin.

MATHAIA 5:24

maichâma ni thilpêk kha masanin lân, fe’n lân ni urêng kha irngeipui bakin lân, kha zoiin ni thilpêk kha inhlan roh.

MATHAIA 9:13

Pathian Thubu’n, ‘Irbôlna zong ma ung, lungkhamna kêng ki inuam’ a iti hi fe unglân, a omzia va irchu roi, mi felhai irlam hranga zuang ni ma unga, mi sualhai irlam hranga zuang kêng ki ini,” tiin a sâma.

MARKA 12:33

Khasikin Pathian chu mihriamin a lungrîl murdi’n, a lunginchongna murdi’n, a hrâtna murdi’n lung a ithung ngêt hrang a ni, Khabana ama lung a irthung ang khan a bômhai khom lung a ithung hrang a ni. Pathian kuang pumhâl irbôl le irbôlna danghai nêkin khom, kha thupêk inhnihai zôm kha a nang ual,” a tia.

1 SAMUELA 13:12

Khasikin, Filistia mihaiin Gilgal-a hin an ni zuang idoi hrang a ni tâka. Rengpa lungkhamna la zong ma unga, ki tia. Khasikin hâlirvôm thilinhlan chu inhlan loi thei loi ki ni,” a tia.

1 SAMUELA 13:13

Samuela’n Saula kuang khan, “Ni sintho hi into sintho dân a nia, Rengpa ni Pathianin thu nang a ipêk kha ni izôm loi a ni. Ni izôm ni sianlân chu Rengpa khan Israelhai chunga nin lalna hi kumtuangin a indet hrang a ni.