1 SAMUELA 14:44 - PATHIAN LEKHABU IRTHIANG C.L. Bible (BSI)

⁴⁴ Saula’n a kuang, “Nang a that noa ni’n chu Pathianin nang a ilo lam takin nang lo ri se, kha nêka intak ual khomin,” a tia.

1 SAMUELA 14:44 ပူးပေါင်းရင်းမြစ်များ

IRPHUTNA 38:24

Khanchu tha thum zoia chu mihaiin Juda kha, “Ni moinu Tamari khan pasal a zonga, khakhêla pa irdang loiin nâi a vong,” tiin an hrila; khanchu Juda’n, “Hruaisuak unglân hâl thatpai roi,” a tia.

2 SAMUELA 12:31

Khopuia mihai kha thing âtna hai, kodâl hai, hreipui hai, hmangin sin an thoa, pilrôngar hai an siama, Amon irchihai khopui murdihai chu khaang khan an loa. Kha hnung chu Davida le a mihai kha Jerusalema an kîr nôk tâka.

2 SAMUELA 12:5

Davida kha mi irchongpa chunga khan a ning an mur pe tâka; Nathana kuang khan, “Rengpa irhming sâmin ki iti a ni, kha thil thotu kha chu that inruk a ni.

2 SAMUELA 19:13

Amasa kuang, “Ki thisen irzompui mo ni mak che? Atûna irthokin Joaba irthûla ki sipai hruaituin nang ki siam no’n chu, Pathianin a nuam nuamin ni lo ri se, kha nêka na ual khomin, a ti va ti roi,” a tia.

2 SAMUELA 3:9

Saula le a insûngkuahai kut ata ram kha lapai pea, Israelhai le Judahai chunga Dana irthokin Beerseba dênin Davida rêngtoihmun indingtir nôk hrangin Rengpa’n Davida kuang chong a irkhâm angin ki tho tuanintung no’n chu Pathianin Abnera chu a ilo lam takin lo ri se, kha nêka irkhêl ual khomin,” a tia.

THUVÂRHAI 25:16

Khopinter rakin khuaihlutui in no ro; khano’nchu ni ningsia a ta, inluak nôk zit ni ti.

ROIRÊLTUHAI 11:35

A nâinu a hong hmu’n chu beidongin a puan an potthêra, “A poi oke! ki nâinu, nangma kher hi! ki milung nin siatin ki milung ni nin zîngtir tak taka! Rengpa kuanga chong kin kung tâka, sûtpai nôk thei ni ta ma,” a tia.

RUTHI 1:17

Ni thinaa thi ki ta, kha khan phûmin om ki ti. Nang le kei hi thina ni loia thil dangin ni sen hrang nêkin chu Rengpa’n i ang khomin a nuam nuamin ni lo ri se,” a tia.

1 SAMUELA 14:39

Israelhai saninzôk ngaitu Rengpa hringna hmangin khomâk ki’rsâm, thil sual thotu chu a ithi ngêt hrang a ni, ki nâi Jonathana khom ni sianlân,” a tia. Khannisianlân tûte’n ite hril viat mahaia.

1 SAMUELA 25:22

Nangtûk zîng khovâr mân, kha pa ta murdi laia pasal nâipang inkhat lua khom ki hôi pea ni’n chu Pathianin Davida hi a nuam nuamin ni lo ri se. Hi nêka na ual khomin ni lo ri se,” a ti tâka.

1 SAMUELA 3:17

Elia khan, “I thil mo Rengpa’n ni kuanga a insîr? keima kuang ite ip nei no ro duah. Ni kuanga a insîr murdi kha keima kuang ip ni neiin chu, Pathianin irkhêl takin kuttum nan tuangtir ri se,” a tia.