1 SAMUELA 14:41 - PATHIAN LEKHABU IRTHIANG C.L. Bible (BSI)

⁴¹ Khanchu Saula khan Rengpa Israelhai Pathian kuang khan, “Rengpa a vuan hin itho mo ite ni ni isâm ta loi? Rengpa Israelhai Pathian hin ni sâm ro. Thil tho’nsualtu chu keima mo ki ini, Jonathana mo a ini Urim hmuna hin ni sâm ro,” a tia. Kha sâmna kha Jonathana le Saula chunga khan a chum tâka; mipuihai chu an irthianga.

1 SAMUELA 14:41 ပူးပေါင်းရင်းမြစ်များ

THUVÂRHAI 16:33

Mihriamin Pathian nuamlam inhriatna hrangin tâ an sân ngaia, khannisian a mongna chu Rengpa ta a ni.

THUVÂRHAI 18:18

Mi hrâthai an irkhalin chu tasânin thubuai kha an infel thei ngai.

JONA 1:7

Khan, “Tho, hi thil saloi ei chunga hong om hi tu sika mani, ti ei inhriat theina hrangin, tasân ei ti,” tiin an irti irhlôma. Khanchu, tâ an sâna, an tasân kha Jona chunga a chuma.

TÎRTÔNHAI SINTHO 1:24

Kha hnung chu an chongchaia, “Rengpa, nang mihriam murdi lungrîl inhretu, hihai hi a tu khôk hi mo ni inthang nin hriattir roh.

TÎRTÔNHAI SINTHO 1:26

An inhnia chunga khan tâ an sâna, an tasân chu Mathia chunga a chuma, Mathia kha tîrtôn sômhleihnihai laia khan tep sa a ni ta.

1 SAMUELA 14:40

Kha hnung chu Saula khan an kuang, “Nangni chu a bingin om unglân, keima le ki nâipa Jonathana, a bingin om kin ti,” a tia. Mipuihai khan, Saula kuang, “A sa ni ti lam takin tho ro,” an tia.

1 SAMUELA 14:42

Khanchu Saula khan, “Keima le ki nâipa Jonathana kâra infel ni ri se,” a tia. Khanchu Jonathana chunga khan a chum tâka.