1 SAMUELA 14:36 - PATHIAN LEKHABU IRTHIANG C.L. Bible (BSI)

³⁶ Saula khan, a mihai kuang, “Zâna Filistia-hai zu rûnhai ei ta, zîng khovâr dênin inmokhai ei ti, thatpaihai ving ei ti,” a tia. Khanchu anni khan, “A sa ni ti lam takin tho ro,” an tia. Khannisianlân ochaiin, “Pathian chongpui bak hi rei,” a tia.

1 SAMUELA 14:36 ပူးပေါင်းရင်းမြစ်များ

JAKOBA toc2 JAKOBA 4:8

Pathian nâi roi, ama khomin nangni nâi a ti. Mi sualhaio, nin kuthai irsûkinfâi unglân, mi vârillekhaio, nin milung irthiangtir roi.

MALAKIA 2:7

Ochaihai hmûra chu inhriatna a ivong hrang a nia, a bâi ata dân kha an izong ngai hrang a ni; ama kha Sipaihai Rengpa tîrtôn a nia.

JEREMIA 6:5

Zâna doi ei ta; khopui kulhai insiatchit ei ti,” ti sa an ti.

ISAIA 58:2

A ni tin irzôm natin an ni zonga, ki inuam lam chu inhriat an nuama, diktaka sintho ngai nam ni irhoi an tuma, Pathian thilpêk zôm irkip chu tum ual loiin, diktakin roirêl lam an nir dona, Pathian nâi nuam tak anga inlang pumin.

INPÂKNA HLAHAI 73:28

Keima ta hrang rêkin chu Pathian nâi hi a isa a ni: Rengpa Pathian chu ki inzôknaa ki hmanga, Ni sintho murdi thu ki hril theina hrangin.

1 SAMUELA 14:3

Khante, Silo khuaa Rengpa ochai Elia nâipa Finehasa nâi Ikaboda sangpa Ahituba nâipa Ahia kha ochai songkol innghâkin a oma. Jonathana a fe ti kha mipuihai khan inhre mahaia.

1 SAMUELA 11:11

Khanchu zîng nôka chu a mihai kha pâl thumin a zêkhaia, thingchangvârro vêla hin an irdoipuihai riakbuka an va lût khumhaia, Amon mihai chu sûn misa lum dên rakin an thathaia; an ithat selhai chu an indarh chita, a bopa om rêng irhmu ta mahaia.

JOSUA 11:14

Hi khuaa an râllâk sumpuan le insûng sa chu Israelhaiin mâni ta angin an neia, mihriam rêk chu an sât that zita; an itho thei taphot chu a hringa an irhmâi tûte om mah.

JOSUA 10:19

Nangni chu nin râlhai kha khêlhai unglân, an khua kula an intân lûtna hrang khâl khakhai roi, Rengpa, nin pathianin nangni a inhnêtir a ni hi,” a tia.

NAMBAR 27:21

Khanchu ama chu ochai Eleazara makunga ngîr a ta, a’rchamin suak an ta, ama le Israel irchi murdihai leh,” a tia.

1 SAMUELA 1:23

A pasal Elkana khan a kuang, “A dik ni iti lam takin tho ro; irhnu nêk nin bângtir mân chu in sûnga om ro. Rengpa’n ni chonginkung chu nang indet pe khak ri se,” a tia. Khanchu irhnu nêk a bâng mâka chu Hani chu in sûnga a oma, a nâi kha a dona.